ق ر پرەمەر- ءمينيسترى «پارىز» سىيلىعىن تابىستادى - فوتو

 سونىمەن «پارىز» جۇلدەسىنىڭ «الەۋمەتتىك جاۋاپكەرشىلىگى ەڭ جوعارعى كاسىپورىن» اتالىمى بويىنشا التىن بەلگىسىنە  قىزىلوردا وبلىسىنداعى «ساۋس- ويل» ج ش س يە بولدى. كومپانيا ديرەكتورى سەرىكجان سەيىتجانوۆ ۇكىمەت باسشىسىنىڭ قولىنان التىن مۇسىنشە مەن ديپلومات الدى. بۇل كومپانيا 2014 -جىلى قايىرىمدىلىق جانە دەمەۋشىلىك كومەك ءۇشىن 63 ميلليون تەڭگە،  قىزىلوردا قالاسىنداعى تەننيس ورتالىعىنىڭ قۇرىلىسى ءۇشىن 440 ميلليون تەڭگە بولگەن. سونىمەن قاتار ارال قالاسىندا 100 ورىنعا ارنالعان سپورت-ساۋىقتىرۋ كەشەنىن سالۋعا مۇرىندىق بولعان.

ال «ەڭ ۇزدىك ۇجىمدىق كەلىسىمشارت» نوميناتسياسى بويىنشا «پارىز» سىيلىعىنىڭ التىن بەلگىسىن اقتوبە وبلىسىنداعى «اقبۇلاق» ا ق يە بولدى. پرەمەر-مينيستر ك. ءماسىموۆتىڭ قولىنان التىن بەلگى العان كومپانيا ديرەكتورى ايبەك ساعيەۆتىڭ كاسىپورنى ەڭبەكاقى تولەۋ، جۇمىس ۋاقىتى مەن قىزمەتكەرلەرىنىڭ دەمالىس ۋاقىتى ءۇشىن وتە ءتيىمدى كەستە قۇرا بىلگەن.

«حالىق تۇتىناتىن ەڭ ساپالى تاۋار شىعارۋشى» ارنايى سىيلىعىن الماتى قالاسىنداعى «راحات» ا ق يە بولدى. ق ر پرەمەر-ءمينيسترى سىيلىق پەن ارنايى ديپلومدى «راحات» كومپانياسىنىڭ ەكونوميكا جانە قارجى جونىندەگى ديرەكتورى زاۋرەش تولەۋبايەۆاعا تابىستادى.

ەستەرىڭىزگە سالا كەتەيىك، «راحات» كومپانياسى - ەلىمىزدە كونديتەرلىك ءونىم شىعاراتىن برەندكە اينالعان.

جالپى، بۇگىن 20 عا جۋىق كاسىپورىن «پارىز» سىيلىعىنىڭ 2, 3 -ورىندارىنا يە بولدى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى