بۇگىن «سكات» ۇشۋ قىزمەتى ديرەكتورىنىڭ ۇستىنەن قىلمىستىق ءىس قوزعالدى

ق ر باس كولىك پروكۋراتۋراسى 2013-جىلدىڭ قاڭتار ايىندا الماتى وبلىسىندا 16 جولاۋشى مەن 5 ەكيپاج مۇشەسىنىڭ قازا تابۋىنا سەبەپ بولعان «سكات» اۋە كومپانياسى» ا ق- نىڭ «CRJ-200» ماركالى ۇشاعىنىڭ اپاتقا ۇشىراۋ فاكتىسى بويىنشا سوتقا دەيىنگى تەرگەپ-تەكسەرۋ امالدارىنىڭ اياقتالعانىن حابارلادى. ۆەدومستۆونىڭ اتاپ وتۋىنشە، اپاتتىڭ ورىن الۋىنا ۇشۋ ەكيپاجىنىڭ دۇرىس ءىس-قيمىل جاساماۋى سەبەپ بولعان.

«قازاقستان رەسپۋبليكاسى قىلمىستى كودەكسىنىڭ 344- بابىنىڭ 3- بولىگىمەن كۇدىكتى رەتىندە تانىلعان اۋە كومپانياسىنىڭ ۇشۋ قىزمەتى ديرەكتورىنا قاتىستى قىلمىستىق ءىس 2015-جىلعى 10- جەلتوقساندا الماتى قالاسى المالى اۋداندىق سوتىنا جولداندى»، - دەلىنگەن حابارلامادا.

ەستەرىڭىزگە سالا كەتەيىك، 2013-جىلدىڭ 29- قاڭتارىندا «سكات» اۋە كومپانياسىنىڭ «كوكشەتاۋ-استانا» رەيىسىن ورىندايتىن CRJ-200 ۇشاعى الماتىعا جەتە بەرە اپاتقا ۇشىراعان بولاتىن. سونىڭ سالدارىنان 21 ادام، ونىڭ ىشىندە 16 جولاۋشى مەن 5 ەكيپاج مۇشەى قاجا تاپقان ەدى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى