ءابىش كەكىلباي ۇلى - قازاق ادەبيەتىندەگى تۇتاس ءبىر ءداۋىر - ق. ەرگوبەك
قازاقستان رەسپۋبليكاسىنىڭ العاشقى مەملەكەتتىك حاتشىسى ءابىش كەكىلباي ۇلىنىڭ قازاسىنا بايلانىستى بەلگىلى ادەبيەت زەرتتەۋشىسى، سىنشى، فيلوسوفيا عىلىمدارىنىڭ دوكتورى، پروفەسسور قۇلبەك ەرگوبەك وسىنداي پىكىر ءبىلدىردى.
ونىڭ ايتۋىنشا، بولاشاق ادەبيەت سۇيەر ۇرپاق ءابىش كەكىلباي ۇلى ءومىر سۇرگەن، شىعارمالارىن جازعان ءداۋىردى ءابىش كەكىلباي ۇلىنىڭ ءداۋىرى دەپ اتاۋى مۇمكىن.
«دۇيەدەن ءابىش اعا ءوتتى. تەلەگەي- تەڭىز وي ءولدى. ۇلكەن كىسىلىك كەتتى. ءابىش كەكىلباي ۇلى قازاق قالامگەرلىگىنىڭ ءبىر ەتالونى ەدى. ول قازاق ادەبيەتىندەگى تۇتاس ءبىر ءداۋىر. ءابىش كەكىلباي اعامىز قازاق ادەبيەتىن، بايانداۋدان فيلوسوفيالىق تولعاۋعا اينالدىرعان، سىرت بايانداۋدان كەيىپكەردىڭ ىشكى جان- دۇنيەسىنە تۇسكەن، كەيىپكەرلەرىنىڭ تابيعاتىنا التى الاشتىڭ، قازاق ۇلتىنىڭ قاراپايىم ازاماتىنىڭ دا حانىنىڭ دا تاريحىن سىيعىزا جىرلاعان ۇلى سۋرەتكەر ەدى. ابەكەڭ ءومىر سۇرگەن، ابەكەڭ شىعارما جازعان ءداۋىردى كەلەشەك ۇرپاق، كەلەشەك ادەبيەت سۇيەر قاۋىم ءابىش كەكىلباي ءداۋىرى دەپ اتاۋى دا مۇمكىن»، - دەدى ق. ەرگوبەك.
اۆتور: جاپپاربەرگەن ايبوتا
