ءابىش كەكىلبايەۆ جايدارى مىنەزدى، بولەك بولمىستى، تەكتى قالامگەرى ەدى - ع. جايلىباي
«ءابىش كەكىلبايەۆ قازاق جۇرتىنىڭ كوز الدىندا ءوسىپ، ونگەن جازۋشى. 1962 - جىلى العاشقى ولەڭدەر جيناعى شىقتى. ول اسا ۇلكەن حالىق جازۋشىسى. تاريح تامىرلارىنا تەرەڭ بويلاپ، ۇلكەن شىعارمالار جازدى. ادەبي سىنمەن، اۋدارمامەن اينالىستى. ابەكەڭنىڭ اينالىسپاعان جانرى جوق. ماۋەلى بايتەرەك سياقتى قازاق جۇرتىنىڭ كوز الدىندا ءوسىپ- ءوندى. حالىق جازۋشىسى عانا ەمەس، ەڭبەك ەرى اتاعىن الدى. ول ەكىنىڭ بىرىنە بۇيىرماعان اتاق. ابەكەڭ مەملەكەت، قوعام قايراتكەرى دارەجەسىنە دەيىن ءوستى. اسا جايدارى مىنەزدىڭ، بولەك بولمىستىڭ، تەكتى قالامگەرى ەدى. بۇگىن بارشا الاش جۇرتىنىڭ قابىرعاسى قايىسىپ وتىر. ابەكەڭنىڭ قازاسى وزىنەن كەيىنگى ماڭدايىن سيپاعان ىنىلەرىنىڭ قاي- قايسىسىنا دا ۇلكەن قازا دەپ ەسەپتەيمىن. ول كىسىنىڭ قالامگەرلىك قىرلارى، ونەگەلى ءومىرى ۇرپاقتان- ۇرپاققا جەتەتىن ۇلكەن مۇرا دەپ ەسەپتەيمىن»، - دەدى ع. جايلىباي.
اۆتور: گۇلميرا عوسمانالي
