ءابىش كەكىلباي ولگەن جوق، ماڭگىلىكتىڭ جولىنا ءتۇستى - ءا. تارازي
«ءبىز ءابىش كەكىلباي ۇلىمەن قازاق ادەبيەتى دەپ اتالاتىن قاسيەتتى ورداعا بىرگە كەلدىك، بىرگە جۇردىك. العاشقى شىعارمالارىمىز جارىققا شىققاندا بىرگە وقىپ، بىرگە تالقىلادىق. ادەبيەتتە قاتار جۇرگەن دوستارىمىز كوپ بولدى.
سول تۇستا قازاق ادەبيەتىنە ءبىر شوعىر تاتۋ، بەرەكەلى جاقسى بۋىن كەلگەن ەدى. ەندى ءومىردىڭ زاڭى سولاي، شەتىنەن الىپ كەتىپ جاتىر. سول دوستارىم: مۇقاعالي ماقاتايەۆ، قاليحان ىسقاق، سايىن مۇراتبەك سەكىلدى تالانتتى قالامداستارىم ومىردەن ءوتىپ كەتتى. ەندى كەزەك ابىشكە كەلگەن ەكەن. ونى قايعىرماي، قاسىرەت دەمەي، كادىمگى جاۋىنگەر رەتىندە، تىك تۇرىپ وققا كەۋدە توسقانداي قارسى الۋىمىز كەرەك. ءبىراق تالانتتى جازۋشىنى ءارقاشاندا ءولدى دەگەن سوزگە قيمايمىز. ول ولگەن جوق، ماڭگىلىكتىڭ جولىنا ءتۇستى، ەندى ماڭگىلىكتىڭ جولىمەن كەتىپ بارا جاتىر دەپ ويلايمىن».
باقىتجول كاكەش
