اۋىل تۇرعىندارى پوشتا بولىمشەلەرىنەن تەمىرجول بيلەتتەرىن ساتىپ الا الادى

ەندى قازاقستاندىقتار ەلىمىز بويىنشا 800 پوشتا بولىمشەلەرىنەن (ونىڭ 500 ى اۋىلدىق جانە اۋداندىق بولىمشەلەر) قالاعان باعىتقا بيلەت ساتىپ الا الادى.

ەڭ باستىسى، اۋىل تۇرعىندارى ءۇشىن قالاعا شاپقىلاماي، جاقىن ماڭداعى بولىمشەدەن بيلەت الۋ مۇمكىندىگى تۋدى، دەپ حابارلايدى «جولاۋشىلار تاسىمالى» ا ق باسپا ءسوز قىزمەتىنەن.

العاش رەت جوبا 2015 -جىلدىڭ مامىر ايىندا اقتوبە وبلىسى مەن استانا بولىمشەلەرىندە تاجىريبە رەتىندە ىسكە قوسىلعان ەدى. مامىردان قاراشا ايىنا دەيىن 2 مىڭنان استام تەمىرجول بيلەتتەرى ساتىلىپ، بۇل قىزمەت جەرگىلىكتى تۇرعىندار تارابىنان وڭ باعاسىن الدى.

قازىر قازاقستان بويىنشا 3 مىڭنان استام پوشتا بولىمشەلەرى بولسا، ونىڭ 2160 ى اۋىلدىق جەرلەردە ورنالاسقان. اتالمىش قىزمەت كەزەڭ- كەزەڭمەن بارلىق وبلىستاردى تۇگەلدەي قامتيتىن بولادى.

بۇل «قازپوشتامەن» بىرلەسكەن جوبانىڭ العاشقىسى ەمەس. جۋىردا «تۇلپار- تالگو» پويىزدارىمەن پوشتالىق كوررەسپوندەنسيالاردى جەدەل تاسىمالداۋ قىزمەتى ىسكە قوسىلدى. ءقازىردىڭ وزىندە استانا جانە الماتى-2 ۆوكزالدارىندا ورنالاسقان «قازپوشتا» نۇكتەلەرىندە سالماعى 3 ك گ دەيىنگى سالەمدەمەلەر قابىلدانۋدا. ولار بۇدان بىلاي تاۋلىكتەن از ۋاقىت ىشىندە پويىزبەن دىتتەگەن جەرىنە جەدەل جەتكىزىلىپ وتىرىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى