لورد كوۋ: رەسەي برازيلياداعى وليمپياداعا قاتىسپاۋى مۇمكىن
Today باعدارلاماسىنا بەرگەن سۇحباتىندا لورد كوۋ: رەسەي سپورتشىلار «قىسىمنان قورعالعان جانە قاۋىپسىز» جاعدايدا جاتتىعا الاتىنىن جانە ونەر كورسەتە الاتىنىن دالەلدەۋى ءتيىس، ماسكەۋ بۇل ءىستى وليمپيادا باستالعانعا دەيىن جاساپ ۇلگەرەتىنى نە ۇلگەرمەيتىنى وزدەرىنە بايلانىستى، - دەدى.
«وزگەرىستەر ورىن الماسا، وندا دوپينگ قابىلداماعاندار دا ويىندارعا قاتىسا المايدى»، - دەدى كوۋ.
قاراشادا ي ا ا ف كەڭەسى رەسەيدىڭ جارىستارعا قاتىسۋىنا ۋاقىتشا تىيىم سالعان.
حالىقارالىق دوپينگكە قارسى اگەنتتىك كوميسسياسى (WADA) سپورتشىلاردىڭ دوپينگ قابىلداۋىمەن بايلانىستى ەرەجە بۇزۋشىلىقتار سالدارىنان بۇكىلرەسەيلىك جەڭىل اتلەتيكا فەدەراتسياسىنىڭ قىزمەتىن ۋاقىتشا توقتاتۋدى ۇسىندى.
ي ا ا ف- تىڭ بۇل شەشىمى جەڭىل اتلەتيكا بويىنشا رەسەي قۇراماسىنىڭ ريو- دە- جانەيروداعى وليمپيادا ويىندارىنا قاتىسۋىنا جول بەرمەيدى.
