ۆلاديمير پۋتين قازاقستان تۋماسى پولكوۆنيك سەرىك سۇلتانعابيەۆتى ماراپاتتادى

ولاردىڭ ىشىندە گەننادي حازانوۆ، نيكيتا ميحالكوۆ، يۋري سولومين، دميتري حۆوروستوۆسكي، جورەس الفەروۆ، لەونيد بوكەريا بار، دەپ جازدى ر ي ا نوۆوستي.

شارادا «وتان الدىنداعى ەڭبەگى ءۇشىن»، الەكساندرا نەۆسكي، ەرلىك، قۇرمەت جانە دوستىق ءۇشىن وردەندەرى، مەدالدار مەن ءتوس بەلگىلەر تابىستالدى.

 ماراپاتتالعانداردىڭ ىشىندە رەسەي فەدەراتسياسىنىڭ باتىرى اتاعىنىڭ يەگەرى بار. عارىشكەر سەرگەي ريازانسكي قۇرمەت تيتۋلىنا حالىقارالىق عارىش ستانساسىندا كوپ ۋاقىتقا سوزىلعان ۇشۋى كەزىندە كورسەتكەن ەرلىگى مەن باتىرلىعى ءۇشىن لايىق دەپ تانىلدى. ال پولكوۆنيك سەرىك سۇلتانعابيەۆ - اسكەري بورىشىن اتقارۋ كەزىندە كورسەتكەن ەرلىگى مەن باتىرلىعى ءۇشىن ماراپاتتالدى. ول 2014 -جىلى وقۋ-جاتتىعۋ شارالارى كەزىندە اسكەريدى گراناتا جارىلىسىنان قۇتقاردى.

«ۇزاققا سوزىلعان عارىش ەكسپەديتسيالارى قاتىسۋشىلاردان سابىرلىقتى، رۋحاني كۇش پەن ەرلىكتى تالاپ ەتەدى. مۇنداي شارا - بۇل ەرلىك، اسا ۇلكەن قاۋىپ. وسىنداي ۇزاق ۇشۋدا مىندەتىن ءساتتى ورىنداعانى ءۇشىن رەسەي باتىرى اتاعىنا سەرگەي نيكولايەۆيچ ريازانسكي لايىق دەپ تانىلدى»، - دەدى ر ف پرەزيدەنتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى