پروكۋراتۋرا ەلوردالىق الاياقتاردىڭ الەۋمەتتىك بەت-بەينەسىن جاسادى

بۇل تۋرالى بريفينگ بارىسىندا استانا قالالىق پروكۋراتۋراسى ەكىنشى باسقارماسىنىڭ پروكۋرورى ەرلان بايمۇحامبەتوۆ ءمالىم ەتتى.

«الاياقتار مەن ولاردىڭ الەۋەتتى قۇرباندارىنىڭ الەۋمەتتىك بەت-بەينەسى مىناداي: ادەتتەگىدەي الاياق 20-40 جاس ارالىعىنداعى ەر ادام، ورتا، ورتا ارناۋلى ءبىلىمى بار، جۇمىسسىز بولىپ كەلەدى. ال الاياقتاردىڭ الەۋەتتى قۇرباندارى ەركەك تە ايەل دە بولۋى مۇمكىن. ولاردىڭ جاستارى 20 مەن 50 دىڭ ارالىعىندا، جوعارى بىلىمدەرى جوق. ءبىراق، مول اقشالارى، جىلجىمايتىن، جىلجيتىن مۇلىكتەرى بولادى»، - دەدى ول.

ە. بايمۇحامبەتوۆتىڭ اتاپ وتۋىنشە، استانادا الاياقتاردىڭ ارباۋىنا تۇسەتىندەر كوبىنە ءىرى كولەمدە اقشالاي قارجىلارىنان قاعىلادى. بۇل سالاداعى قىلمىستاردىڭ باسىم بولىگى نەسيە، جەر تەلىمدەرىن ساتۋ، زايم تۋرالى شارتتارى قامتيدى. بۇل رەتتە ايتا كەتەرلىگى، الاياقتىق ارەكەتتەر كوپ جاعدايدا بۇرىننان تانىس ادامداردىڭ اراسىندا ورىن الادى.

«بۇعان قوسا، الاياقتار وزدەرىن ناقتى ءبىر ىستە زارداپ شەگۋشىنىڭ پايداسىنا شەشىم شىعارۋعا قابىلەتتى ادام رەتىندە كورسەتەدى. وسىلايشا، ادامدار الداۋعا تەز ەرىپ، اقشالارى مەن مۇلىكتەرىن قىلمىسكەرگە بەرىپ قويادى»، - دەدى پروكۋرور.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى