ايگىلى سۇلەيمەن سۇلتاننىڭ مولاسى تابىلدى

بۇل تۋرالى Associated Press حابارلادى.

پەچسك ۋنيۆەرسيتەتىنىڭ تاريحشىسى نوربەرت پاپ (Norbert Pap) قازبا جۇمىستارى كەزىندە عالىمدار ارتەفاكتتارعا تاپ بولعانىن ايتتى. پاپ سۇلتاننىڭ مازارى ونىڭ اسكەرى قالانى قورشاۋعا العان كەزدە شاتىرى ورنالاسقان جەردە دەگەن بولجام جاسادى.

الايدا گيپوتەزانى راستاۋ ءۇشىن قازبا جۇمىستارىن جۇرگىزۋ كەرەك. بۇل 2016 -جىلدىڭ كوكتەمىندە عانا مۇمكىن بولادى.

سۇلەيمەن سۇلتان 71 جاسىندا قازا تاپتى. ول وسمان يمپەرياسىنىڭ ۇلى سۇلتانى بولىپ سانالادى. ول باسقارعان كەزدە (46 جىل) تۇرىكتەر بالقان، ورتالىق شىعىس جانە سولتۇستىك افريكاداعى يەلىگىن كەڭەيتتى.

سۇلتاننىڭ مازارى ۆەنگرياداعى بۇرىنعى تۇرىك قونىسىندا ورنالاسقان. ونى 1680 -جىلدارى بۇزىپ تاستاعان، كەيىن 2013 -جىلى عانا تاپتى (تاريحشى پاپ).

تاريحشىلاردىڭ پىكىرىنشە، بەيىتكە سۇلەيمەننىڭ جۇرەگى مەن وزگە دە ىشكى ورگاندارىن سالعان. ال دەنەسىن ىستامبۇلعا جەتكىزىپ، سۇلەيمەن مەشىتىنىڭ زيراتىنا جەرلەگەن. سۇلتاننىڭ ءولىمىن 48 كۇن بويى جاسىرعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى