جۋرناليستەر يسلام ءدىنى تۋرالى جازۋ ءۇشىن كەم دەگەندە قۇراندى وقىعان بولۋى كەرەك - ساراپشى
«قازاقستان حالقىنىڭ 70 پايىزى مۇسىلمان بولعاندىقتان، سۋننيت پەن شييتتىڭ، سالافيت پەن ۋاحابشىنىڭ كىم ەكەنىن اجىراتا ءبىلۋ ءۇشىن جۋرناليستەر اسىل ءدىنىمىز - يسلامداعى تۇسىنىكتەردەن جالپىلاما حاباردار بولۋ كەرەك. مەنىڭ ويىمشا، جۋرناليستەر تىم بولماعاندا قۇراندى وقىپ شىعۋى كەرەك. سەبەبى، يسلام دىنىندەگى الاۋىزدىق وسى بىلمەستىكتەن تۋىندايدى. قۇراندى بىلگەن جۋرناليست «يسلام ءدىنى مىنانى مىندەت ەتتى» دەگەن جالعان اقپارات بەرۋشىگە «جوق، قاسيەتتى قۇراندا بۇل جوق» دەپ توتەپ بەرە الادى. ءدىن سالاسىنا جازۋ ءۇشىن وقۋ كەرەك، زەرتتەۋ كەرەك جانە سونى تالداۋدان وتكىزۋ كەرەك»، - دەيدى ساراپشى.
د. رىسمۇحامەدوۆانىڭ ايتۋىنشا، دىنگە قاتىستى كەز كەلگەن اقپاراتتى رەسمي ورگانداردان راستاپ الۋ كەرەك.
«ءدىن ىستەرى كوميتەتى، قازاقستان مۇسىلماندارى ءدىني باسقارماسى بار، سوندىقتان وزگە سالالاردان قاراعاندا، ءدىن ماسەلەسىن جازاردا جۋرناليستەر رەسمي مالىمدەمەگە جۇگىنگەنى دۇرىس»، - دەدى ءسوزىن قورىتا ول.
اۆتور: كەنجەكەي توقتامۇرات قىزى
