كيم چەن ىن سۋتەكتى بومبامەن جۇرتتى تاعى دۇرلىكتىردى
«ءبىز يادرولىق جانە سۋتەكتى بومبالاردىڭ قۋاتىمەن ەلىمىزدىڭ تاۋەلسىزدىگى مەن ۇلتتىق ار-نامىسىن ساقتاۋعا قاۋقارلى ۇلى يادرولىق دەرجاۆاعا اينالدىق»، - دەگەن كيم چەن ىننىڭ سوزدەرىن مىسالعا كەلتىردى سولتۇستىك كورەيانىڭ ورتالىق اقپاراتتىق اگەنتتىگى.
الايدا سولتۇستىك كورەيانىڭ شىن مانىندە مۇنداي قارۋعا يە ەكەنى ءالى كۇنگە رەسمي تۇردە دالەلدەنگەن جوق.
تەك ك ح د ر اۋماعىندا ءبىرقاتار يادرولىق سىناقتار جۇرگىزىلگەنى ءمالىم. ولار 2006، 2009 جانە 2013-جىلدارى جۇزەگە استى.
جەلتوقسان ايىنىڭ العاشقى اپتاسىندا-اق سولتۇستىك كورەيا يادرولىق سىناقتار جۇرگىزۋ ءۇشىن جاڭا تۋننەل قازىپ جاتقانى حابارلاندى. ول ەلدىڭ سولتۇستىك-شىعىس بولىگىندە ارنايى بولىنگەن ايماقتا بۇعان دەيىن سىناق جۇرگىزىلگەن ءۇش تۋننەلدىڭ قاسىندا ورنالاسقان.
BAQ.kz
