قازاقستاندا سۇراۋ بويىنشا سوتتالعاندىعى تۋرالى مالىمەت بەرۋدى شەكتەۋ ۇسىنىلىپ وتىر
«انىقتامالاردىڭ ەلەۋلى كولەمى سوتتىلىعىنا بايلانىستى سۇرالادى. ۇسىنىلىپ وتىرعان شارالاردىڭ ءبىرى وسىنداي انىقتامالاردى شەكتەۋگە بايلانىستى بولۋدا، سەبەبى بالالارمەن جۇمىس ىستەۋگە قاتىستى ەمەس ماماندىقتار بارشىلىق جانە وسى جۇمىستارعا بۇرىنعى سوتتىلىعىنىڭ بولۋى تۋرالى ءبىلۋدىڭ قاجەتتىلىگى جوق»، - دەدى س. مەكتەپبايەۆا.
ساراپشىنىڭ پايىمىنشا، بۇگىندە باستى ماقسات - باس بوستاندىعىنان ايىرۋ ورىندارىنان بوساعان ادامداردىڭ ەكىنشى مارتە تۇرمەگە ورالماۋى ءۇشىن ءتيىستى جاعداي جاساۋ. بۇل تۇرعىدا باستى تالاپ جۇمىسپەن قامتۋعا بايلانىستى بولىپ وتىر. كوبىنەسە جۇمىس بەرۋشىلەر بۇرىن سوتتالعانداردى جۇمىسقا قابىلداماي جاتادى.
«سوتتىلىق ينستيتۋتى - بۇل «كەڭەستىك» قۇقىقتىق ينستيتۋت. باتىستىق جۇيەلەردە ونداي جوق. بۇل مالىمەتتەر ءاردايىم قۇپيا بولادى جانە ول مالىمەتتەر قانداي دا ءبىر ەرەكشە ماماندىقتار تۇرعىسىندا سۇرالادى، ياعني پەداگوگ، دارىگەرلەرگە قاتىستى بولعان جاعدايدا تالاپ ەتىلەدى. الايدا بىلىكتىلىك جۇمىسىنا بايلانىستى بولماسا، وندا اتالعان مالىمەتتەردى تەكسەرۋدە قاجەتتىلىك جوق»، - دەيدى س. مەكتەپبايەۆا.
اۆتور: رۋسلان عابباسوۆ
