ازەربايجان تاۋلى قاراباحتى تانكىلەرمەن اتقىلادى

ازەربايجان قورعانىس مينيسترلىگىنىڭ 9 - جەلتوقساندا «1994 - جىلى جاسالعان بىتىمنەن كەيىن قاراباحتا ءبىرىنشى رەت تانك قولدانىپ، ءبىر سارباز قازا تاپقانى» جايلى حابارلادى.

«تانكتەر مەن گراناتومەتتەن 1 مىڭ 500 دەي وق اتىلدى» دەيدى قورعانىس مينيسترلىگى.

ازەربايجان جاعى ارمەنيا ءبىرىنشى بولىپ ازەربايجاندىق ەلدى مەكەندەرگە وق اتقانىن ايتادى. «مۇنىڭ بارلىعىنا ارمەنيا بيلىگى كىنالى» دەگەن قورعانىس مينيسترلىگى تاۋلى قاراباحتاعى «جاۋ ارمياسى» پوزيتسيالارىنا جاۋاپ سوققى جاسايتىنىن ەسكەرتكەن.

ارمەنيا مەن ازەربايجان 1990 - جىلدارى داۋلى تاۋلى قاراباح ايماعىنا قاتىستى سوعىسقان.

ا ق ش مەملەكەتتىك دەپارتامەنتى تاۋلى قاراباحتاعى شيەلەنىستى ايىپتاپ، تاراپتاردى بىتىمگە شاقىردى.

«ازاتتىق»

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى