قىتاي عالىمدارى دجومولۋنگما تاۋىندا مۇزدىقتىڭ قارقىندى ەرىپ جاتقانىن انىقتادى
الەمنىڭ بيىك تاۋلارىنداعى كليماتتىڭ وزگەرىستەرى تۋرالى باعالاۋ بايانداماسىندا قىتاي عالىمدارى وسىنداي دەرەكتەردى كەلتىردى، دەپ حابارلايدى شينحۋا.
جوبا باسشىسى، مەملەكەتتىك كريوسفەرا تۋرالى عىلىم زەرتحاناسىنىڭ باستىعى كان شيچان ءمالىم ەتكەندەي، جاھاندىق جىلىنۋ گيمالاي مۇزدىق جامىلعىسىنىڭ قىسقارۋىنا اكەلۋدە. قىتاي اۋماعىنداعى دجومولۋنگمدا مۇزدىق الاڭى وتكەن عاسىردىڭ 70- جىلدارىنان باستاپ 28 پايىزعا قىسقاردى. بۇل ۇدەرىس نەپال اۋماعىنداعى دجومولۋنگمانىڭ وڭتۇستىك بەتكەيىندە دە تىركەلدى، ول جەردە مۇزدىڭ قالىڭدىعى 80-جىلداردان بەرى 26 پايىزعا كەمىگەن.
قىتاي عالىمدارىنىڭ پىكىرىنشە، مۇزدىقتاردىڭ جىلدام قارقىنمەن ەرۋى تيبەت تاۋلى ولكەسىنەن باستاۋ الاتىن وزەندەر اعىنىنىڭ ۇلعايۋىنا سەبەپ بولۋدا. ول سونداي-اق مۇزدى كولدەر الاڭى مەن سانىنىڭ ارتۋىنا سوقتىرادى.
