قازاقستاننىڭ ادام قۇقىقتارىن قورعاۋدا اتقارعان ەڭبەگىن اتاپ وتكەن ءجون - ا ق ش ەلشىلىگىنىڭ مالىمدەمەسى
بۇل كۇنى ب ۇ ۇ باس اسسامبلەياسى جالپىعا بىردەي ادام قۇقىقتارى دەكلاراتسياسىن قابىلدادى. وسى ايتۋلى داتاعا وراي قازاقستانداعى ا ق ش ەلشىلىگى مالىمدەمە جاساپ، وندا قازاقستاننىڭ ادام قۇقىعىن قورعاۋ سالاسىندا اتقارىپ جاتقان ىستەرىن اتاپ ءوتتى.
ا ق ش ەلشىلىگىنىڭ مالىمدەمەسىندە اتاپ كورسەتىلگەندەي، ا ق ش، قازاقستان جانە ب ۇ ۇ- نىڭ ءار مۇشەسى دەرلىك قول قويعان دەكلاراتسيادا الەمنىڭ ءار ادامىنىڭ ازاماتتىق قۇقىعىنىڭ بولۋى جانە سول قۇقىقتار ەشقانداي ءداستۇر نەمەسە قۇندىلىقتارمەن شەكتەلمەۋى ايقىندالعان.
قازىر ادام قۇقىعى تاريحتا بۇرىن-سوڭدى بولماعان دەڭگەيدە قۇرمەتتەلەتىن زامان. بۇل جەتىستىك ۇكىمەتتەردىڭ ارقاسىندا ەمەس، بۇكىل ادامزاتتىڭ ازاماتتىق قۇقىق ءۇشىن كۇرەسى ارقاسىندا قول جەتكىزىلدى. بۇل باعىتتا قازاقستاننىڭ اتقارعان ەڭبەگىن، سونىڭ ىشىندە ۇكىمەت پەن ازاماتتىق كوعام ديالوگىنا اكەلەتىن ادام قۇقىقتارى جونىندەگى كونسۋلتاتيۆتىك كەڭەسىنىڭ قۇرىلۋىن اتاپ وتكەن ءجون. ۇكىمەتتەردىڭ ادام قۇقىقتارىن جەرگىلىكتى زاڭناما جانە حالىقارالىق مىندەتتەرگە سايكەس قۇرمەتتەۋى باعىتىندا تەر توككەن جەر بەتىندەگى بارلىق ازاماتتاردىڭ كۇش-جىگەرى مەن باتىلدىعىن جوعارى باعالايمىز.
الايدا ادام قۇقىقتارىن قۇرمەتتەۋ سالاسىنداعى بۇرىنعى ىلگەرىلەۋلەر بولاشاق جەتىستىكتەرگە كەپىل بولا المايدى. قازىرگى ۋاقىتتا لاڭكەستىككە جانە ەكسترەميزمگە قارسى ارەكەتتەر ادام قۇقىقتارىن قورعاۋعا قاۋىپ ءتوندىرىپ تۇر.
حالىقارالىق ادام قۇقىقتارى كۇنىنىڭ 65 جىلدىعىنىڭ قارساڭىندا ءبىز ا ق ش- تا ءالى دە دامي تۇسەتىن سالالار بارىن مويىندايمىز. دەگەنمەن ءبىز جاھاندىق دەكلاراتسيانىڭ قاعيدالارىن قولداپ، بارلىق مەملەكەتتەردى، ونىڭ ىشىندە ءبىزدىڭ قازاقستاندىق سەرىكتەستەرىمىزدى ءار ازاماتتىڭ دەكلاراتسيادا انىقتالعان قۇقىقتارىن جانە بوستاندىقتارىن سەزىنۋىن جانە پايدالانۋىن قامتاماسىز ەتۋگە ءوز ۇلەسىن قوسۋعا شاقىرامىز.
