ءانشى ءمولدىر اۋەلبەكوۆانىڭ تويى قالاي وتبەك؟
اتا ءداستۇردى قۇرمەتتەيتىن جاس ءانشى الداعى ۋاقىتتا دا سالەم سالا بەرەتىنىن ايتتى، دەپ جازادى Comode.kz .
ۇيلەنۋ تويىنا جارتى جىلداي دايىندالىپ جۇرگەن ءانشى بۇل سالتاناتتى مەرەكەگە قالاي دايىندالىپ جاتقانىمەن دە بولىسە كەتتى.
اۋەلبەكوۆا ەڭ الدىمەن تويدىڭ بەزەندىرىلۋىنە كوپ كوڭىل بولگەن. ءانشىنىڭ تاپسىرىسىمەن كەش قوناقتارىنا ارناپ پرەسس قابىرعا، ەستەلىك سۋرەتتەردىڭ جيناعى بولاتىن اعاشتان جاسالعان دەكور ارنايى ازىرلەنۋدە.
قوناقتار مەيرامحاناعا كىرگەندە باقىت اعاشىنا ءوز تىلەكتەرىن قالدىرۋ مۇمكىندىگىنە يە بولادى. كىرەبەرىستە كارتينا ىسپەتتەس ويىلىپ جاسالعان باقىت اعاشى تۇرادى. جاپىراقتارى جۇرەك ءپىشىندى. بۇل جاپىراقتارعا قوناقتار تىلەكتەرىن جازا الادى. كەيىننەن جۇلدىزدى جۇپ اعاشتىڭ دا، جاپىراقتاردىڭ دا بەتىنە توزۋدان ساقتاپ قالۋ ءۇشىن لاك جاعىپ، ۇيىنە اپارىپ قويماق.
"ءاربىر ادامنىڭ ىزگى تىلەكتەرى ءاردايىم قاسىمىزدا بولادى. ول دا ءبىر ەستەلىك قوي. ايتپاقشى، ونى جاسايتىن اعاش ونەرىنىڭ شەبەرى، مەنىڭ دومبىرامنىڭ اۆتورى ەردوس. ەردوس اعام ول باقىت اعاشىن ءوز تويىما جاساتىپ جاتقانىن بىلگەندە، «مەنەن سىيلىق بولسىن» دەپ تارتۋ ەتتى. ونداي ادامدارعا مىڭ العىس"، - دەيدى اۋەلبەكوۆا.
سونداي- اق، توي كۇنى عاشىقتار كوشەلەردى شۋلاتىپ، كولىكپەن قىدىرمايتىنىن دا اتاپ ءوتتى.
تانىمال ءانشى جۇبايىنىڭ ۇسىنىسىمەن تىڭدارماندارىنا توسىن سىي دايىنداپ وتىرعانىن دا العا تارتتى.
ءمولدىر اۋەلبەكوۆانىڭ 12 - جەلتوقسان كۇنى تارازدا وتەتىن تويىن بەلگىلى ءانشى نۇرلان البان مەن گۇلجان ءالىش جۇرگىزبەك. جاس جۇبايلار قۋانىشىنا 350 ادامدى شاقىرعان.
