اق ءۇي دونالد ترامپتى پرەزيدەنت سايلاۋىنا قاتىستىرماۋعا شاقىردى

الەمدەگى بىرنەشە ەلدىڭ باسشىسى ونىڭ مۇسىلمانداردى امەريكا اۋماعىنا جىبەرمەۋ تۋرالى ۇسىنىسىن ايىپتادى.

ءتىپتى اق ءۇي رەسپۋبليكاشىلاردى ترامپتى قولداۋدان باس تارتۋعا شاقىردى. ال پەنتاگون «ونىڭ سوزدەرى ۇلتتىق قاۋىپسىزدىككە قاتەر توندىرەدى» دەپ مالىمدەدى.

دجوش ەرنەست، اق ءۇيدىڭ رەسمي وكىلى:

- مەن ۇمىتكەر- رەسپۋبليكاشىلداردىڭ ءارقايسىسى، ەگەر ترامپ پرايمەريزدە جەڭەتىن بولسا، ونى قولداۋعا ۋادە بەرگەنىن بىلەمىن. ءبىراق بولاشاق پرەزيدەنت ەڭ الدىمەن كونستيتۋتسيانى ساقتاۋدى جانە ونى قورعاۋدى ويلاۋى ءتيىس. دونالد ترامپتىڭ الگى ۇندەۋى پرەزيدەنتتىك تاققا لايىقتى مالىمدەمە ەمەس. سوندىقتان ول باسقا ۇمىتكەرلەردىڭ قولداۋىنا بۇرىنعىشا يە بولماۋى كەرەك.

ترامپتىڭ ءسوزىن بۇعان دەيىن فرانسيا مەن  ۇلى بريتانيانىڭ ۇكىمەت باسشىلارى ايىپتاعان بولاتىن. كانادالىق دەپۋتاتتار ميللياردەر- ساياساتكەر تۇرعىزعان نىساندارعا بەرىلگەن اتاۋلاردى الىپ تاستاۋعا شاقىردى. ەستەرىڭىزگە سالا كەتەيىك، ترامپ اتىشۋلى مالىمدەمەسىن 7- جەلتوقساندا جاساعان ەدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى