باكۋدە ق ر تاۋەلسىزدىگى كۇنى قۇرمەتىنە ديپلوماتيالىق قابىلداۋ ءوتتى
شارانى ازەربايجانداعى قازاقستان ەلشىلىگى ۇيىمداستىردى.
ازەربايجانداعى قازاقستاننىڭ توتەنشە جانە وكىلەتتى ەلشىسى بەيبىت يسابايەۆ وسى كەزەڭدە ءبىزدىڭ ەل ەلەۋلى تابىستار مەن جەتىستىكتەرگە قول جەتكىزگەنىن، ورنىقتى دامۋ جانە ىلگەرىلەۋ جولىندا نىق قادام باسىپ كەلە جاتقانىن اتاپ ءوتتى.
«قازاقستان كورشى ەلدەرمەن تىعىز قارىم-قاتىناستى قولدايدى جانە ت م د، ش ى ۇ جانە ت. ب. سياقتى حالىقارالىق ۇيىمدار اياسىندا ءساتتى ىنتىماقتاستىق جۇرگىزۋدە.
ونىڭ ايتۋىنشا، تاۋەلسىزدىك جىلدارى قازاقستان مەن ازەربايجان اراسىندا تاتۋ جانە تۋىستاس قاتىناس قالىپتاستى.
«ازەربايجان «استانا ەكسپو-2017» حالىقارالىق مامانداندىرىلعان كورمەگە قاتىساتىنىن العاشقىلاردىڭ ءبىرى بولىپ رەسمي راستادى. وتكەن اپتادا باكۋدە تۋىستاس ەلدىڭ كورمەگە قاتىساتىنى تۋرالى ءتيىستى شارتقا قول قويىلدى. ازەربايجان اۋەل باستان 2017-2018-جىلدارى ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاندىق ءوتىنىمدى قولداعان»، - دەپ ءسوزىن تۇيىندەدى ب. يسابايەۆ.
ازەربايجان ۇكىمەتىنىڭ اتىنان ءار ەنەرگەتيكا ءمينيسترىنىڭ ورىنباسارى نتيگ ابباسوۆ سويلەدى. ول قازاقستاندى ازەربايجان پرەزيدەنتى يلحام اليەۆتىڭ اتىنان تاۋەلسىزدىك كۇنىمەن قۇتتىقتادى.
شاراعا ازەربايجان ۇكىمەتىنىڭ مۇشەلەرى، مەملەكەتتىك قۇرىلىمدار مەن ۆەدومستۆولار باسشىلارى، ءار پارلامەنتىنىڭ دەپۋتاتتارى، بيزنەسمەندەر جانە ءا ر-دا اككرەديتتەلگەن ديپلوماتيالىق ميسسيا باسشىلارى مەن وكىلدەرى، سونداي-اق عىلىم جانە ونەر قايراتكەرلەرى قاتىستى.
