الپاۋىت مەملەكەتتەر يادرولىق قارۋدان باس تارتۋعا اسىعار ەمەس

 سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى بارلىباي سادىقوۆ وسىلاي دەپ مالىمدەدى.

ادامزات 70 جىلدان بەرى وسى زۇلمات قارۋمەن كۇرەس جۇرگىزىپ كەلەدى. ال قازاقستان ءوز تاراپىنان بۇل تۇيىتكىلدى شەشۋگە زور ۇلەس قوسۋدا. ەكى كۇن بۇرىن ۇيىم مۇشەلەرى ەلباسىنىڭ يادرولىق قارۋدان ازات الەم قۇرۋ تۋرالى جالپىعا ورتاق دەكلاراتسيا قابىلداۋى سونىڭ ايقىن دالەلى.

سونداي- اق مەملەكەت باسشىسى نۇرسۇلتان نازاربايەۆتىڭ بىرىككەن ۇلتتار ۇيىمى اسسامبلەياسىندا جاساعان بايانداماسىندا 2045 - جىلعا دەيىنگى جاھاندىق ستراتەگيالىق باستامالار جوسپارىن قۇرۋدى ۇسىنعانى بەلگىلى.

بارلىباي سادىقوۆ، ق ر س ءى م ايرىقشا تاپسىرمالار جونىندەگى ەلشىسى:   

- بۇل دەكلاراتسيانىڭ قابىلدانۋى الەمنىڭ ەلباسى نۇرسۇلتان نازاربايەۆتىڭ ادامزاتتى يادرولىق قارۋدان قۇتقارۋ باستاماسىن قولداۋىنىڭ ايقىن دالەلى. قۇجات بارلىق ەلدەردىڭ قاۋىپسىزدىگىن قامتاماسىز ەتۋگە باعىتتالعان ۇلكەن قادام. پرەزيدەنت يادرولىق قارۋدى بىرىككەن ۇلتتار ۇيىمىنىڭ 100 جىلدىعىنا وراي تولىق جويۋ تۋرالى ۇسىنىس جاسادى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى