ۇلتتىق بانك باسشىسى بۇگىن دوللار باعامىنىڭ وسۋىنە قاتىستى تۇسىنىك بەردى
«بۇگىن تەڭگە باعامى ءبىرشاما وزگەردى، سەبەبى نارىقتا سۇرانىس پەن ۇسىنىستىڭ تەڭگەرىمى وزگەردى. قازىرگى كەزدە بولجام جاساۋ مۇمكىن ەمەس. مۇناي باعاسى قۇبىلۋدا جانە باعام دا وزگەرۋدە، بۇل وزگەرىستەر ءاردايىم سينحروندى ەمەس. ويتكەنى، مۇنايعا باعانىڭ اسەرى ءبىزدىڭ ۆاليۋتالىق نارىققا تىكەلەي ىقپال ەتپەيدى، ياعني دالمە- ءدال اسەرى جوق. ەكسپورتتاۋشىلار ۆاليۋتانىڭ ساتىلىمى بويىنشا قانداي دا ءبىر شەشىم قابىلدايدى. الايدا بۇل ءبىر مەزگىلدە بولمايدى»، - دەدى ول.
«جىل سوڭىنا دەيىن دوللارعا قاتىستى تەڭگەنىڭ باعامى وزگەرۋى بولجانا ما؟» دەگەن ساۋالعا د. اقىشيەۆ: «بولجامداردى ايتا المايمىن. بۇگىن قانداي جاعداي ەكەنىن بىلەمىن. ەرتەڭ نە بولاتىنىن نارىق كورسەتەدى»، - دەدى.
ايتا كەتەيىك، قازاقستاندىق قور بيرجاسىنىڭ تاڭەرتەڭگىلىك سەسسياسى 1 دوللارعا 309 تەڭگە دەڭگەيىندەگى ورتاشا سارالانعان باعاممەن اياقتالعان ەدى.
اۆتور: رۋسلان عابباسوۆ
