قىتاي ەلى قازاق تاعامدارىنا قىزىعۋشىلىق تانىتىپ وتىر

اقپارات قۇرالىنىڭ مالىمەتىنشە،  قازاقستاننىڭ اۋىل شارۋاشىلىعى ونىمدەرىنە قىتايدا سۇرانىس جوعارى. سەبەبى قازاقستاندىق تاۋار ەكولوگيالىق تازا ءارى تابيعي.

 وتكەن جىلى ەلىمىز كورشى ەلگە 378 مىڭ توننادان استام ازىق- تۇلىك ءونىمىن تاسىمالداعان. قىتاي ارى قاراي دا ارىپتەستىك قاتىناستى نىعايتۋعا مۇددەلى. وسى ماقساتتا الماتىعا گانسۋ ايماعىنان ءبىر توپ كاسىپكەرلەر كەلگەن.

«قازاقستان سوڭعى جىلدارى جاڭا نارىقتى بەلسەندى تۇردە يگەرىپ كەلەدى. وتكەن جىلى قىتايعا 144 ميلليون دوللار تۇراتىن 380 مىڭ توننا اۋىل شارۋاشىلىعى ءونىمىن جەتكىزگەن. كورشى مەملەكەت رەسەيگە قاراعاندا قازاقستانعا 10 ەسە كوپ ينۆەستيتسيا قۇيادى. ەلىمىزگە ولار بارلىق ينۆەستيتسيا قاراجاتىنىڭ 91 پايىزىن، ياعني 23 ميلليارد دوللار قارجى سالىپ وتىر. قازاقستان 2010 - جىلدان بەرى 200 ميلليارد دوللاردان استام شەتەل ينۆەستيتسياسىن تارتقان»، - دەپ حابارلادى تەلەارنا.

ورتالىق ازيا ايماعى بويىنشا قازاقستاندا شەتەلدىك ينۆەستورلارعا ءتيىمدى جەڭىلدىكتەر قاراستىرىلعان. وزگە ەل بيزنەسمەندەرى باسىم سالالاردا كورپوراتيۆتىك تابىس پەن جەر سالىعىنان 10 جىلعا دەيىن بوساتىلعان. سونداي- اق، ينۆەستورلار مۇلىك سالىعىن 8 جىلعا دەيىن تولەمەۋگە قۇقىلى.

«قازاقستاندا جۇمىس ىستەگەن وتە ءتيىمدى. قولايلى سالىق جۇيەسى، جەڭىلدىكتەر، ەركىن ەكونوميكالىق ايماق. مۇنىڭ بارلىعى - بيزنەسمەن ءۇشىن تاپتىرماس مۇمكىندىكتەر. مەن ءوز جەرلەستەرىمە: «قازاقستانعا نازار سالىڭدار»، دەپ ۇنەمى كەڭەس بەرەمىن»، - دەدى گانسۋ پروۆينتسياسىنىڭ كوممەرتسيا دەپارتامەنتىنىڭ وكىلى شي ەن دجانگ.

kaz.tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى