ق ر قارۋلى كۇشتەرىنىڭ سپورتشىسى وق اتۋ بويىنشا قازاقستاننىڭ جاڭا رەكوردىن ورناتتى - فوتو
ونىڭ اۆتورى - ق ر قورعانىس مينيسترلىگى ارميا ورتالىق سپورت كلۋبىنىڭ ارميالىق سپورتشىسى يۋري يۋركوۆ.
10 مەتر قاشىقتىقتا اتقىش 624,4 ۇپاي جيناپ، ازەربايجاندا وتكەن 2015-جىلعى الەم كۋبوگىندا ورناتقان الدىڭعى 622,9 ۇپايىنان اسىپ ءتۇستى، دەپ حابارلايدى ق ر ق م باسپا ءسوز قىزمەتى.
بۇل رەكورد - ارميالىق سپورتشىنىڭ تاعى ءبىر جەتىستىگى. ول - الەم كۋبوگىنىڭ جەڭىمپازى، ق ر بىرنەشە دۇركىن چەمپيونى، حالىقارالىق دارەجەدەگى سپورت شەبەرى، 2016-جىلى وتەتىن وليمپيادالىق ويىندارعا ارنالعان ليتسەنزيا يەگەرى. سونداي-اق وسى جىلدىڭ قورىتىندىسى بويىنشا ق ر سپورتتىق وق اتۋ فەدەراتسياسىنىڭ رەيتينگىندە ءبىرىنشى ورىندى ەنشىلەدى.
بۇگىندە ەلىمىزدىڭ قارۋلى كۇشتەرىندە سپورتقا ەرەكشە كوڭىل ءبولىنىپ وتىرعانىن ايتا كەتكەن ءجون. اسكەري قىزمەتشىلەردى ءارى قاراي دامىتۋ جانە سپورتقا باۋلۋ ءۇشىن وسى جىلى العاش رەت الماتىداعى راديوەلەكترونيكا جانە بايلانىس اسكەري ينستيتۋتىنىڭ سپورتتىق بازاسىندا ق ر قارۋلى كۇشتەرىنىڭ دەنە دايارلىعى جانە سپورت ماماندارىمەن وقۋ-ادىستەمەلىك جيىن ۇيىمداستىرىلدى.
مۇندا ق ر ق م ا و س ك جانە دەنە شىنىقتىرۋ اسكەري ينستيتۋتىنىڭ وفيتسەرلەرى دەنە دايارلىعىن باسشىلىققا الۋ، جوسپارلاۋ، ۇيىمداستىرۋ، باقىلاۋ جانە ەسەپكە الۋ جونىندە بىرلەسكەن دارىستەر مەن سەمينارلار وتكىزدى. دەنە دايارلىعى بويىنشا ساباقتاردى وتكىزۋدىڭ پەداگوگيكالىق نەگىزدەرىن، اسكەري قىزمەتشىلەردىڭ دەنە تۇرعىسىنداعى قاسيەتتەرىن دامىتۋ ادىستەمەلەرىن، مەديتسينالىق قامتاماسىز ەتۋدى قاراستىردى.
