قىتاي يۋانى الەمنىڭ بەسىنشى رەزەرۆتىك ۆاليۋتاسىنا اينالدى

قىتايدىڭ ۇلتتىق اقشاسىن نەگىزگى حالىقارالىق ۆاليۋتالاردىڭ قورجىنىنا قوسۋ تۋرالى شەشىمدى حالىقارالىق ۆاليۋتا قورى جاساعان، دەپ حابارلايدى 31-ارنا.

SDR تولەم جۇيەسىنە قازىر ا ق ش دوللارى، ەۋرو، فۋنت ستەرلينگ جانە يەنا كىرەدى. بۇل جيىنتىقتاعى يۋاننىڭ ۇلەسى ازىرگە 10 پايىز. دەسە دە، ساراپشىلار ىشكى جالپى ءونىم تابىستىلىعى بويىنشا ءبىرىنشى ورىنعا شىققان قىتاي اقشاسىنىڭ ۆاليۋتالىق قورجىنداعى ۇستەمدىلىگى بۇدان دا اسىپ كەتۋى مۇمكىن دەپ بولجاپ وتىر.

بۇدان بۇرىن حالىقارالىق ۆاليۋتا قورى يۋاننىڭ ەركىن كونۆەرتاتسياعا تۇسپەيتىندىگىن العا تارتىپ، بىرنەشە جىلدان بەرى ونى ۆاليۋتالىق قورجىنعا قوسپاي كەلگەن. الايدا قىتاي ۆاليۋتاسىنا دەگەن سۇرانىس ارتىپ كەلەدى. بىلتىرعى جىلى سىرتقى ساۋدا- ساتتىقتىڭ 25 پايىزى يۋانمەن جاسالسا، بيىل بۇل كورسەتكىش 30 پايىزعا جەتەدى دەگەن بولجام بار.

 قىتايدىڭ جەكە ساۋداسىنان بولەك، يۋانمەن جاسالاتىن ترانزاكسيالار دا جىل سايىن ارتىپ كەلەدى. جالپى حالىقارالىق ۆاليۋتالار قورجىنىنداعى دوللاردىڭ ۇلەسى -  42 پايىز بولسا، ەكىنشى ورىنداعى ەۋرونىكى 37 پايىز. يۋان قوسىلعاننان كەيىن ەۋرونىڭ بۇل كورسەتكىشى 31 پايىزعا قىسقارادى. ال يەنا مەن فۋنت ستەرلينگتەردىڭ ۇلەستەرى سايكەسىنشە 8 پايىزعا ازايماق.

BAQ.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى