تەلەۆيدەنيەنىڭ تىكەلەي ەفيرى كەزىندە تاڭ قالارلىق وقيعا تىركەلدى - كەسكىن
ستۋديادا تەلەجۇرگىزۋشىلەر الدىندا تۇرعان سۋ تولى ستاكان كەنەت وزىنەن ءوزى قوزعالىپ ەتكەن. بۇل تۋرالى Mirror گازەتىنە سىلتەمە جاساعان «ۆەستي. Ru» حابارلادى.
جۋرناليستەر ۇسىنعان ۆيدەودا كارلوس مولينانىڭ الدىندا تۇرعان ستاكاننىڭ كۇتپەگەن جەردەن قوزعالا باستاعانى كورىنگەن. ولار سول ساتتە ستۋدياعا پولتەرگەيستىڭ كىرىپ كەتكەنىنە ەش كۇمانانىپ وتىرعان جوق. مولينانىڭ ايتۋىنشا، كابيناعا ەلەس-ءارۋاق كىرىپ، ستاكاندى قوزعالتار الدىندا ونىڭ ارقاسىنان ءبىر سالقىن لەپ ءجۇرىپ وتكەن. ونىڭ ارىپتەسى پابلو زاپاتا باسىندا ونىڭ بۇل سوزىنە سەنبەپتى. الايدا، جارناماعا بەرىلگەن ۋاقىتتاعى ۇزىلىستەن كەلگەنىندە ستاكاننىڭ نە سەبەپتى قوزعالىپ كەتكەنىن ءتۇسىندىرىپ بەرە الماعان.
«مەن مۇنىڭ ەشقانداي قالجىڭ نە الدەكىمدەردىڭ ويىندارى ەمەس ەكەنىن رەسمي تۇردە ءمالىم ەتەمىن. ءبىزدىڭ ارىپتەستەرىمىز بۇل ىسكە وزدەرىنىڭ ەشقانداي قاتىستارى جوق ەكەنىن ايتىپ وتىر. مەن وزىمىزدەن تىس قۇبىلىسپەن بەتپە-بەت كەلىپ وتىرعانىمىزعا ەش كۇماندانبايمىن»، - دەدى كارلوس مولينا.
«ۇستەلدىڭ ءۇستى تەپ- تەگىس ەدى، فيزيكانىڭ زاڭى بويىنشا ستاكان قوزعالۋعا ءتيىستى ەمەس-تىن»، - دەگەندى قوستى جۋرناليست.
دەرەك، فوتو: ۆەستي. Ru.
«ەگەمەن قازاقستان»
