ەكى ديكتور ا ق ش پرەزيدەنتى وبامانى بوقتاعاندارى ءۇشىن شەتتەتىلدى
بۇل تۋرالى ر ي ا «نوۆوستي» حابارلادى.
اتالمىش تەلەارنا باس ديرەكتورىنىڭ ءبىرىنشى ورىنباسارى بيلل شاين بولعان وقيعانى جۋرناليستەرگە بايانداپ بەردى.
«بۇگىن ەرتەمەن Fox-تىڭ قىزمەتكەرلەرى، پودپولكوۆنيك رالف پيتەرس مەن ستەيسي دەش ءارتۇرلى باعدارلامالاردا ءبىزدىڭ ەفيرىمىز ءۇشىن مۇلدەم ورىنسىز جانە ايتىلمايتىن كوممەنتاريلەر جاسادى»، - دەدى شاين.
ونىڭ ايتۋىنشا، ارنا جەتەكشىلەرى پيتەرس پەن لەشتىڭ مۇنداي سوزدەرىنە كوزدى جۇمىپ، قاراپ وتىرا الماي، ولاردى ەكى اپتاعا جۇمىستان شەتتەتكەن.
بۇعان قوسا، رالف پيتەرس مىرزانىڭ بوقتىق لەكسيكانى قولدانعانى ءۇشىن كەشىرىم سۇراعانى ايتىلادى. ءبىراق ول «مەنىڭ ايتقان سوزدەرىم دۇرىس بولماي شىقتى، دەگەنمەن، سول كەزدەگى كوڭىل كۇيىمدى كوپ ادام قولدايدى دەپ ويلايمىن»، دەپتى ول.
ءوز كەزەگىندە ستەيسي دەش حانىم Twitter گە اركىم ءوز ارەكەتى ءۇشىن «ەسەپ بەرەتىن بولۋى كەرەك» دەپ جازىپتى.
ال اق ءۇيدىڭ بولعان وقيعاعا بايلانىستى رەسمي تۇسىندىرمەسى ازىرگە بەرىلە قويعان جوق.
دەرەك، فوتو: ريا «نوۆوستي».
«ەگەمەن قازاقستان»
