قازاقستانداعى بيلىكتە وتىرعان زەينەتكەرلەر
بۇل ەر ازاماتتاردىڭ جاسى ءبىرشاماعا كەلسە دە، ەل باسقارۋداعى تىزگىندى ەشكىمنەن كەم ۇستاماي ەكپىندى ەڭبەك ەتىپ جاتقاندار.
قازىرگى تاڭدا قازاقستاندا 63 جاستان اسىپ، جۇمىس جاساپ جۇرگەن زەينەتكەرلەردىڭ سانى 200 مىڭعا جەتتى.
بۇل تۋرالى جۋىردا ق ر پرەزيدەنتى جانىنداعى ادام قۇقىقتارى جونىندەگى كوميسسياسىنىڭ كەڭەيتىلگەن وتىرىسىندا ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا ءمالىم ەتكەن بولاتىن.
قازاقستاننىڭ قولدانىستاعى زاڭناماعا سايكەس، ەگەر دە ادام زەينەت جاسىنا دەيىن مەملەكەتتىك قىزمەتتە ىستەپ بولسا، وندا جۇمىس بەرۋشى ونىمەن كەلىسىم-شارتتى بۇزۋعا قۇقىلى. الايدا، بۇل مامان قىزمەتكە قاجەت بىلىكتى مامان بولسا، جۇمىس بەرۋشى ونىمەن كەلىسىم-شارتتى ۇزارتۋعا قۇزىرلى.
دەمەك بۇگىنگى ۇزدىك 10 دىققا ەنگەن زەينەتكەرلەرىمىز ءالى دە بولسا ەل ءۇشىن ايانباي تەر توگەتىنى ءسوزسىز.
نۇرتاي ابىقاي ۇلى ابىقايەۆ - 1947-جىلى تۋىلعان. 2010-جىلدىڭ تامىز ايىنان بەرى - ق ر ۇلتتىق قاۋىپسىزدىك كوميتەتىنىڭ ءتوراعاسى. گەنرال-مايور. ق ر ۆولەيبول فەدەراتسياسىنىڭ پرەزيدەنتى. ق ر پارلامەنتى دەلەگاتسياسىنىڭ باسشىسى. تولىق جاسى 68.
اماندىق عابباس ۇلى باتالوۆ 1952-جىلى تۋىلعان. 2014-جىلدىڭ تامىز ايىنان باستاپ الماتى وبلىسىنىڭ اكىمى. تولىق جاسى - 63.
احمەتجان سماعۇل ۇلى ەسىموۆ- 1950-جىلى تۋىلعان. 2008- 2015-جىلدارى ارالىعىندا الماتى قالاسى اكىمىنىڭ قىزمەتىن اتقاردى. 2015-جىلدىڭ تامىز ايىنان باستاپ «استانا ەكسپو-2017» ۇ ك باسقارماسىنىڭ ءتواراعاسى. تولىق جاسى - 65.
سەرىك ابىكەن ۇلى ۇمبەتوۆ - 1950-جىلى تۋىلعان. 2005-2011-جىلدارى اراسىندا الماتى وبلىسىنىڭ اكىمى قىزمەتىن اتقارعان. 2012-جىلدان باستاپ ق ر پارلامەنت ءماجىلىسىنىڭ دەپۋتاتى. تولىق جاسى - 65.
ۆلاديمير سەرگەيەۆيچ شكولنيك - 1949-جىلى تۋىلعان. 2014-جىلدىڭ تامىز ايىنان ق ر ەنەرگەتيكا ءمينيسترى. تولىق جاسى - 66.
بوجكو ۆلاديمير كارپوۆيچ - 1949-جىلى تۋىلعان. ۇلتتىق قاۋىپسىزدىك وفيتسەرى. 2007-2014-جىلدار ارالىعىندا توتەنشە جاعدايلار ءمينيسترى. گەنەرال-لەيتەنانت. 2014-جىلدىڭ تامىز ايىنان باستاپ ق ر ءى ءى م ءمينيسترىنىڭ ورىنباسارى. تولىق جاسى - 66.
سەرگەي ۆيتاليەۆيچ كۋلاگين - 1952-جىلى تۋىلعان. 2014-جىلدىڭ مامىر ايىنان بەرى اقمولا وبلىسىنىڭ اكىمى. تولىق جاسى - 63.
باقتىقوجا سالاحيتدين ۇلى ىزمۇحامبەتوۆ - 1948-جىلى تۋىلعان. 2012-جىلدان بەرى اتىراۋ وبلىسىنىڭ اكىمى. تولىق جاسى - 67.
قۋانىش سۇلتان ۇلى سۇلتانوۆ - 1945-جىلى تۋىلعان. 2012-جىلدىڭ قاڭتار ايىنان ءماجىلىس دەپۋتاتى. ق ر پارلامەنتى ءماجىلىسى ءتوراعاسىنىڭ جانىنان قۇرىلعان دەپۋتاتتىق ادەپ كەڭەسىنىڭ ءتوراعاسى. تولىق جاسى - 70.
مۇحتار قاپاش ۇلى التىنبايەۆ - 1945-جىلى تۋىلعان. 1996-1999-جىلدارى ق ر قورعانىس ءمينيسترى، 2007-2010-جىلدارى ق ر قورعانىس ءمينيسترىنىڭ ورىنباسارى. 2010-جىلدىڭ ءساۋىر ايىنان ق ر پارلامەنت سەناتىنىڭ دەپۋتاتى. حالىق قاھارمانى. تولىق جاسى -70.
NUR. KZ
