تۇركيا كومپانياسى سەمەيگە بەس بالاباقشا سالىپ بەرەدى

اتالعان كەلىسىم بويىنشا سەمەي قالاسىندا 1290 ورىنعا ارنالعان 5 بالاباقشا سالىنادى. بۇل تۋرالى egemen.kz ءتىلشىسى حابارلادى.

مەملەكەتتىك- جەكە ارىپتەستىك نەگىزىندە سالىناتىن 5 بالاباقشا قۇرىلىسىنا 2 ميلليارد 639 ميلليون تەڭگە ينۆەستيتسيا تارتىلادى.

بۇل جوبا BOT (Build - Operate - Transfer) جۇيەسى ارقىلى جۇزەگە اسىرىلادى. ياعني، ينۆەستور كونتسەسسيالىق نىساندى سالادى، 7 جىل كولەمىندە جەكە مەنشىك قۇقىعىن پايدالانىپ، كونسەسسيا نىسانىنا يەلىك ەتەدى (مەملەكەت تاراپىنان قۇرىلىسقا جۇمسالعان كونسەسسيالىق شىعىن تولىق وتەلگەنشە). ودان كەيىن كونسەسسيا نىسانى مەملەكەت مەنشىگىنە ءوتىپ، ءارى قاراي كونسەسسيونەرگە 12 جىلعا سەنىمدى باسقارۋ نەگىزىندە پايدالانۋعا بەرىلەدى. كونسەسسيا مەرزىمى - 20 جىل.

بالاباقشا قۇرىلىسىن مەملەكەتتىك-جەكە ارىپتەستىك جۇيەسى ارقىلى جۇرگىزۋ ءبىلىم سالاسىنداعى ۇزاقمەرزىمدى، تۇراقتى جانە ءوزارا ءتيىمدى كاسىپكەرلىكتى دامىتۋعا سەرپىن بەرەدى.

دۋمان اناش.

دەرەك، سۋرەت: egemen.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى