اتىراۋدا بەلگىسىز بىرەۋ ەكى اپتادان بەرى زەينەتكەرلەرگە تەگىن نان تاراتۋدا
بۇل اكسياعا بەلگىسىز بولىپ قالۋدى ءجون كورگەن قالا تۇرعىنى باستاماشى بولعان.
بۇل تۋرالى اق جايىق باسىلىمى حابارلايدى.
كسەنيا زەينەتكەرلەرگە تەگىن نان بەرۋ، ەگەر ولار قالاسا قولدارىنا ەكى-ءۇش بولكەدەن ۇستاتۋ جونىندە دۇكەن قوجايىنىمەن كەلىسىم جاساعان.
«دۇكەندە اقشا تولەپ تۇرعان ءبىر اجەيدىڭ نان الۋعا اقشاسى جەتپەي قالعانىن كورگەن كەزدە باسىما وسىنداي وي كەلدى. قالتىراعان قولىمەن قاجەتتى سومانى جەتكىزە الماي، كۇرسىنىپ دۇكەن سورەسىنەن بۇرىلىپ كەتىپ بارا جاتقانىن كورۋ اۋىر ءتيدى... ارينە، مەن وعان كومەكتەستىم، مۇنى ۇلكەن جەتىستىك دەپ ەسەپتەمەيمىن. ءبىراق وسىنداي قاريالار قازىر كوپ، جاڭا جىلدان كەيىن ناننىڭ باعاسى 80 گە كوتەرىلگەن كەزدە ودان سايىن كوبەيەدى دەگەن وي مىقتاپ ورنىعىپ الدى»، - دەيدى ول.
قىز قولىنان كەلگەنشە ۇلەسىن قوسۋدى ۇيعارادى: ءبىرىنشى جەكسەنبىدە ول ساتۋشىعا ون بەس بولكە ءۇشىن اقشا بەرەدى. بۇل تەز ارادا اۋدانعا جايىلىپ، مۇنداي مولشەر جەتپەيتىن بولدى. ەندى دۇكەندە تەگىن بەرىلگەن ناندى كسەنياعا قارىز ەتىپ جازىپ قوياتىن بولعان.
«شىققان سومانى تولەۋگە شامام جەتەدى. وسى دۇكەندە، مەنىڭ ءوتىنىشىم بويىنشا، سول كۇنى ناننىڭ تەگىن بەرىلەتىنى جونىندە حابارلاندىرۋ ءىلىندى. الەۋمەتتىك جەلىلەردە دە بۇل قوزعالىس جاندانىپ كەلەدى. باسقا كوپتەگەن قالا تۇرعىندارى ءوز ىقشاماۋداندارىنداعى دۇكەندەردە وسىنداي تۇراقتى اكتسيا ۇيىمداستىرۋدى جوسپارلاۋدا»، - دەيدى كسەنيا.
وتكەن جەكسەنبىدە ءبىز «كيتايكا» دۇكەنىندە قاريالار اراسىندا تەگىن نان قانشالىقتى سۇرانىسقا يە ەكەنىن تەكسەرۋ ءۇشىن ازعانا كەزەكشىلىكتە بولدىق. ءبىر ساعات ىشىندە، تاڭەرتەڭگى ساعات 10 نان 11 گە دەيىن دۇكەنگە بەس ەگدە جاندار كىرىپ، ءبارى ءبىر ادامداي سول جەردەن بىرنەشە بولكە ىستىق نان الىپ شىقتى.
