عىلىم ورداسى مەن «قازاق فيلم» كينو ونەرى سالاسىندا كەلىسىمگە قول قويدى

«ءبىز ءوزارا ءتيىمدى ىنتىماقتاستىقتى دامىتۋعا كەلىستىك. عىلىم ورداسى مەن باس كينوستۋديا وزدەرىنىڭ عىلىمي پوتەنسيالىن بىرگە پايدالاناتىن بولدى. «قازاق فيلمنىڭ» ءبىراز كوركەم تۋىندىسى عىلىم ورداسىنىڭ «امانات» كينوكلۋبىندا تەگىن كورسەتىلەتىن بولدى. وعان عىلىمي، شىعارماشىلىق اۋديتوريا تارتىلادى»، - دەدى ر. كارىبجانوۆا.

رەسمي بولىمنەن سوڭ «دەشتى قىپشاق: جۇمباق بەلگىلەر» كينوتاسپاسى كورسەتىلدى. كينوتۋىندى قازاق حاندىعىنىڭ 550 جىلدىعىنا ارناپ ق ر مادەنيەت جانە سپورت مينيسترلىگىنىڭ تاپسىرماسىمەن ءتۇسىرىلدى. ءتۇسىرىلىم جۇمىستارى يتاليا، ارمەنيا، ۋكرايندا وتكەن.

«تاريحقا بەت بۇرۋ - ءوزىمىزدىڭ كىم ەكەندىگىمىزدى پايىمداۋ ءۇشىن ءارى ءتول مادەنيەتىمىز بەن رۋحانياتىمىزدى تانۋ ءۇشىن كەرەك. ءبىز وسى ەكى سەريادا ۇلى قىپشاقتاردىڭ مۇرالارى تۋرالى بايانداۋعا تىرىستىق»  - دەدى ب. قايىربەكوۆ.

اۆتور: گۇلميرا عوسمان-ءالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى