ەردوعاننىڭ ۇلى «يسلام مەملەكەتى» لاڭكەستىك ۇيىمىنىڭ مۇناي ساۋداسىنا تۇركيانىڭ ەش قاتىسى جوق ەكەنىن ءمالىم ەتتى
«ءبىز ىستامبۇلدا كەڭسەلەردى سالىپ جاتىرمىز... جەرورتا تەڭىزىندە، سيريا نەمەسە يراكتا بيزنەس جۇرگىزىپ جاتقان جوقپىز»، - دەدى ول Corriere della Sera يتاليالىق گازەتىنە بەرگەن سۇحباتىندا.
«ي م - بۇل مەنىڭ ەلىمنىڭ جاۋى. ي م - مەنىڭ سەنىمىمدى (ءدىنىمدى) قارالاپ جاتىر. ولار يسلام وكىلى ەمەس جانە مەن ولاردى مۇسىلماندار دەپ سانامايمىن»، - دەدى ءبىلال ەردوعان. ول تەڭىزدە جۇك تاسىمالدامايتىنىن، ونىڭ كومپانياسىندا رەسەيلىك كليەنتكە «وزەن تانكەرلەرىنىڭ» قۇرىلىسى بويىنشا كەلىسىمشارت بار ەكەنىن اتاپ ءوتتى، دەپ جازدى ربك.
ءبىلال ەردوعان ءوزى كەمە وپەراتورى ەمەس ەكەندىگىن ايتتى. سونداي-اق ول باۋىرى بۋراك ي م جەتكىزگەن مۇنايدى تاسىمالداۋمەن اينالىسۋى مۇمكىن دەگەن بولجامدى جوققا شىعاردى.
