عالام دەپ اتالاتىن قازاقستاندىق- فرانسۋزدىق كاسىپورىنعا جاڭا باسشى تاعايىندالدى
قازاقستاندىق- فرانسۋزدىق كاسىپورىننىڭ جاڭا باسشىسى لاۋازىمىنا تاعايىنداۋ تۋرالى شەشىم «عالام» ج ش س قاتىسۋشىلارى جينالىسىنىڭ حاتتاماسى نەگىزىندە قابىلدانىپ، قاداعالاۋ كەڭەسىنىڭ مۇشەلەرى بەكىتتى.
2015 -جىلعى 2 -جەلتوقساننان باستاپ ب. ورالماعامبەتوۆتى تاعايىنداۋ تۋرالى بۇيرىققا «قازاقستان عارىش ساپارى» ۇك» اق پرەزيدەنتىنىڭ مىندەتىن اتقارۋشى، «عالام» ج ش س قاداعالاۋ كەڭەسىنىڭ ءتوراعاسى مارات نۇرعوجين قول قويدى.
باۋبەك ورالماعامبەتوۆ ماسكەۋ اۆياتسيالىق ينستيتۋتىنىڭ تۇلەگى. حرۋنيچەۆ اتىنداعى رەسەيلىك عارىش ورتالىعىنىڭ كونسترۋكتورلىق بيۋروسىندا، ماسكەۋ وكىلدىك قازاقستاندىق- رەسەيلىك «بايتەرەك» كاسىپورنىندا جۇمىس ىستەدى. ق ر يدم اەروعارىش كوميتەتىندە جوبالاردى سۇيەمەلدەۋ باسقارماسىن باسقاردى. ق ر ۇ ع ا عارىش ينفراقۇرىلىمىن دامىتۋ دەپارتامەنتىنىڭ ديرەكتورى، ديرەكتوردىڭ ورىنباسارى بولدى.
«عالام» ج ش س 2009 -جىلى قۇرىلعان، ونىڭ ماقساتى استانادا سالىنىپ جاتقان عارىش اپپاراتتارىنىڭ جيناۋ- سىناۋ كەشەنىن قۇرۋ جانە پايدالانۋ جوباسىن ىسكە اسىرۋ.
