بەلارۋستەگى قازاقستان ەلشىلىگىنىڭ جاڭا عيماراتى مينسك تۇرعىندارىن شىعىستىق كەربەزدىگىمەن تاڭعالدىردى - فوتو

«كوك كۇمبەزدى» ەلشىلىكتىڭ عيماراتتى بەلارۋستىك ساۋلەتشىلەر 2013-جىلدان بەرى سالىپ كەلەدى. 2015-جىلدىڭ تامىزىندا قۇرىلىس اياقتالۋى ءتيىس بولاتىن، الايدا جۇمىستار ءالى دە جالعاسۋدا دەپ حابارلايدى NUR. KZ ءتىلشىسى.

قازاقستان س ءى م باسپا ءسوز قىزمەتى ەلشىلىك عيماراتىن سالۋ ينۆەستيتسيالىق جوبا بولىپ تابىلاتىنىن جانە ول رەسپۋبليكالىق بيۋدجەت ەسەبىنەن قارجىلاندىرىلاتىنىن العا تارتتى. قۇرىلىسقا بولىنگەن قارجى از ەمەس: 3121566200 تەڭگە.

شىعىس ستيلىندە ورنەكتەرمەن بەزەندىرىلگەن ەلشىلىك «ورلوۆسكي» كوشەسى مەن «پوبەديتەلي» داڭعىلىنىڭ قيىلىسىندا «زاموك» ويىن-ساۋىق ورتالىعى مەن تاۋەلسىزدىك سارايىنىڭ ماڭىندا ورنالاسقان.

قازاقستان ەلشىلىگىنىڭ كونسۋلدىق ءبولىمى دە وسى عيماراتتا ورنالاساتىن بولادى.

قازىرگى ۋاقىتتا كونسۋلدىق ءبولىم بەلارۋستەگى قازاقستان ەلشىلىگى سەكىلدى جالعا بەرىلەتىن قۇيبىشەۆ 12 كوشەسىندەگى عيماراتتا ورنالاسقان.

جوباعا تاپسىرىس بەرۋشى - قازاقستان ەلشىلىگى. ارحيتەكتۋرالىق جوبا بەلارۋستىك ساۋلەتشى اناتولي سەيتليننىڭ باسشىلىعىندا «تۆورچەسكايا ماستەرسكايا-7» توبىمەن جاسالعان. ال قۇرىلىس جۇمىستارىن «فرەليەيسەكسيم» كومپانياسى قولعا العان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى