قىتايدىڭ باتىس پروۆينتسياسىنىڭ بيزنەسمەندەرى ەلوردالىق جوبالاردى ينۆەستيتسيالاۋعا مۇددەلى
دەلەگاتسيا قۇرامىندا كاشەمير ءوندىرىسى، قۇرىلىس جانە كومىرسۋتەك ماتەريالدارىن، قاپتامالار شىعارۋ، ديزاين جاساۋ، سونىمەن قاتار مادەنيەت پەن اقپاراتتىق تەحنولوگيا سالالارىندا قىزمەت ەتەتىن 15 جەتەكشى كومپانيانىڭ باسشىسى بار، دەپ حابارلايدى استانا قالاسى اكىمدىگىنىڭ باسپا ءسوز قىزمەتى.
- جىل سايىن قازاقستاندىق كومپانيالارمەن ىنتىماقتاستىق دەڭگەيى ارتىپ وتىرادى. ەكى ەلدىڭ ۇكىمەتتەرى بيزنەستى دامىتىپ، ساۋدا-ەكونوميكالىق قاتىناستاردى جانداندىرۋ ءۇشىن بىرلەسكەن جوبالار قۇرۋعا باسا نازار اۋدارادى، - دەپ اتاپ ءوتتى نيڭشا - حۋەي اۆتونومدى اۋدانىنىڭ كومەرتسيا باسقارماسىنىڭ باسشىسى تزۋو تسينۋي.
اتالعان ءوڭىر قىتايدىڭ باتىسىندا ورنالاسقان جانە جالعىز اۆتونومدى وكرۋگ بولىپ تابىلادى. پروۆينتسيا ەكونوميكاسى قارقىندى دامىپ كەلەدى، يندۋستريالىق جانە ەنەرگەتيكا سالالارىنا، سونداي-اق، كومىر وندىرۋگە باسا نازار اۋدارىلادى.
اۋىل شارۋاشىلىعىن دامىتۋعا دا ەرەكشە كوڭىل بولىنەدى.
- ءبىز بەلسەندى ىنتىماقتاستىققا جانە بىرلەسكەن جوبالاردى جۇزەگە اسىرۋعا دايىنبىز. قازاقستاندىق تاۋار وندىرۋشىلەردىڭ قىتايلىق ارىپتەستەرىمەن ساۋداسىن جانداندىرىپ، قىتايلىق تاۋار وندىرۋشىلەرگە كومەكتەسكىمىز كەلەدى. ءبىزدىڭ ىنتىماقتاستىعىمىز ءتۇرلى باعىتتا قارقىندى داميتىنىنا سەنىمدىمىن. بۇل ءوڭىر كاسىپكەرلەرىنىڭ تابىستى تاجىريبەسىن قابىلداۋعا كومەكتەسەدى»، - دەدى استانا ق. كاسىپكەرلەر پالاتاسىنىڭ ديرەكتورى عاني تاسماعانبەتوۆ.
سونىمەن قاتار، كەلىسسوزدەر بارىسىندا قالالىق پالاتا باسشىسى ەلوردانىڭ ەكونوميكالىق مۇمكىندىكتەرى مەن ەلىمىزدىڭ باس قالاسىنىڭ كاسىپكەرلىك كليماتىنىڭ ەرەكشەلىكتەرى تۋرالى ايتىپ بەردى.
بۇگىنگى تاڭدا قالانىڭ جالپى وڭىرلىك ءونىمى 4 تريلليون تەڭگەنى قۇرايدى. قالا قارقىندى دامىپ كەلەدى، 2020-جىلعا قاراي ج ءو ءو ەكى ەسەگە ارتىپ، 8 تريلليون تەڭگەنى قۇرايتىن بولادى. ەگەر استانا ەكونوميكاسىنىڭ %40 قىزمەتتەر سەكتورى قۇراسا، %25 - ساۋدا، %20 - قۇرىلىس پەن جىلجىمايتىن مۇلىكپەن بايلانىستى وپەراتسيالار، %4 - ونەركاسىپتىڭ ۇلەسىندە.
پالاتا باسشىسى استانانىڭ ارنايى ەكونوميكالىق ايماعىنا توقتالا كەلە، قىتايلىق ارىپتەستەرىن 1№ يندۋستريالدى پاركتىڭ جۇمىسىمەن تانىستىردى، ونىڭ اۋماعىندا جۇمىس ىستەيتىن شەتەلدىك ينۆەستورلارعا سالىقتىق جانە كەدەندىك جەڭىلدىكتەر جاسالادى. قازىرگى كەزدە پاركتە كاسىپورىندار تولىق، ءبىراق وندىرىسپەن اينالىسۋعا بولاتىن ۋچاسكەلەر قالدى. ونىڭ ۇستىنە بۇگىندە سينگاپۋرلىق كومپانيانى تارتا وتىرىپ، ەكىنشى يندۋستريالدى پاركتىڭ جوباسى ازىرلەنۋدە.
كەزدەسۋ قورىتىندىسى بويىنشا تاراپتار ەكىجاقتى الەۋەتتەردى تەرەڭ زەرتتەۋ ءۇشىن ىسكەرلىك بايلانىستار ورناتۋعا جانە پرەزەنتاتسيالىق اقپاراتپەن الماسۋعا ۋاعدالاستى. ايتا كەتەيىك، قازىرگى كەزدە قىتايلىق كومپانيالار قازاقستاننىڭ بيزنەس-قوعامداستىعىمەن ىنتىماقتاستىققا ەرەكشە كوڭىل بولۋدە. سونىڭ ىشىندە ەلوردا اۋماعىندا اۆتوۆوكزالدار مەن پاركينگتەر سالۋدى ينۆەستيتسيالاۋعا دايىن كومپانيالار بار. سونداي-اق، قىتاي تارابى جالپى اۋدانى 100 گەگتاردى قۇرايتىن يندۋستريالىق پارك قۇرىلىسىنا 30 ميلليون دوللار ينۆەستيتسيالاۋ مۇمكىندىگىن قاراستىرۋدا.
