پاۆلودارلىق ستۋدەنتتەر قىمىزدان بالمۇزداق دايىندادى

 دەپ حابارلايدى pavlodarnews.kz.

جوبا اۆتورلارىنىڭ ءبىرى اسحات ايتجانوۆتىڭ ايتۋىنشا، بۇل يدەيا ءبىر اي بۇرىن تۋىنداپ، از ۋاقىت ىشىندە قولعا الىنعان.

«ءبىز اۋەلى شيپالى سۋسىننان جاسالعان بالمۇزداقتى بالالار مەن ەرەسەك ادامدارعا ۇسىندىق. ەرەكشە تاعام ءدام تاتقانداردىڭ كوڭىلىنەن شىققان سوڭ، ءبىلىم ورداسى باسشىلىعىنا رەسمي حات جازدىق. بۇل ۇسىنىسىمىز بىردەن قولداۋ تاپتى. كوپ ۇزاماي ۋنيۆەرسيتەتىمىزدەگى Enactus ۇيىمىمەن تىعىز بايلانىس ورناتىپ، جوبامىزدى رەسپۋبليكالىق فورۋمدا قورعاۋعا جولداما الدىق. ناتيجەسىندە جوبامىز كوپشىلىكتىڭ كوڭىلىنەن شىقتى»، - دەدى ا. ايتجانوۆ.

 21 جاستاعى جاس عالىمنىڭ ايتۋىنشا، س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىندە وتكەن فورۋمدا رەسپۋبليكانىڭ تۇكپىر- تۇكپىرىنەن 160 تان استام جاس عالىم قاتىسقان. قازىردە ءتاتتى تاعامنىڭ ەكى ءتۇرى دايىندالعان: ءبىرى - قىشقىلداۋ بولسا، ەكىنشىسى - ءتاتتى.

 «ەرەكشە بالمۇزداق جاساۋدىڭ ءادىس- تاسىلدەرىن ازىرگە اشىپ ايتا المايمىز. بولاشاقتا جوبانى ونلاين ساتىلىمعا قويىپ، ساۋدا ورتالىقتارىن اشقىمىز كەلەدى. ال نەگىزگى ماقساتىمىز - ۇلتتىق سۋسىننىڭ قولدانىس اياسىن كەڭەيتۋ»، - دەپ اتاپ ءوتتى اسحات ايتجانوۆ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى