بەيجىڭدە قازاقستان، تاجىكستان جانە قىرعىزستاننىڭ مەملەكەتتىك قىزمەتكەرلەرى بىلىكتىلىگىن ارتتىرۋدا
بۇل تۋرالى استاناداعى مەملەكەتتىك قىزمەت سالاسىنداعى ايماقتىق حابتى باسقارۋ كوميتەتىنىڭ ءتوراعاسى اليحان بايمەنوۆ حابارلادى.
«قىتايعا كەلۋىمنىڭ باستى ماقساتى - ش ى ۇ- عا مۇشە مەملەكەتتەردىڭ مەملەكەتتىك قىزمەتكەرلەرىنىڭ بىلىكتىلىگىن ارتتىرۋ بويىنشا سەميناردىڭ اشىلۋىنا قاتىسۋ. مۇنداي شارا العاش رەت ۇيىمداستىرىلىپ وتىر. استاناداعى مەملەكەتتىك قىزمەت سالاسىنداعى ايماقتىق حاب قىتاي مەملەكەتتىك باسقارۋ اكادەمياسىمەن بىرلەسىپ بۇل سەميناردى ۇيىمداستىردى. وعان قازاقستان، تادجىكستان جانە قىرعىزستاننىڭ 20-دان استام مەملەكەتتىك قىزمەتكەرى قاتىسىپ جاتىر»، - دەدى ول بەيجىڭدەگى «جينتاي» مۋزەيىندەگى توعىزقۇمالاق بويىنشا شەبەرلىك ساعاتى مەن تۋرنيرىندە قازاقستاندىق جۋرناليستەرگە بەرگەن سۇحباتىندا.
ەسكە سالا كەتەيىك، استاناداعى مەملەكەتتىك قىزمەت سالاسىنداعى ايماقتىق حاب مەملەكەتتىك قىزمەت سالاسىندا ءبىلىم مەن تاجىريبە الماسۋدىڭ حالىقارالىق پلاتفورماسى. وعان 31 مەملەكەت پەن 5 حالىقارالىق ۇيىم مۇشە.
