قىزىلوردا وبلىسىنىڭ اكىمى مەملەكەتتىك قىزمەتشىلەردى سىنادى - كەسكىن

مۇنداي بەينەماتەريالدى ونىڭ باسپا ءسوز حاتشىسى بەكزات ءجۇسىپ Youtube دە جاريا ەتكەن بولاتىن.

ءوڭىر باسشىسى مەملەكەتتىك قىزمەتشىلەر ازاماتتارعا قۇرمەتپەن قاراۋ قاجەتتىگىن تالاپ ەتتى. «ولار زاڭدى بىلمەۋى، بىردەڭەنى تۇسىنبەۋى مۇمكىن. تۇسىنبەگەن نارسەسىن تۇسىندىرەيىك، قارايتىن ماسەلەسىن قارايىق. شەشىلەتىن ماسەلەسىن شەشىپ بەرەيىك، شەشىلمەيتىن ماسەلەسىن تۇسىندىرەيىك. سوزىپ الماي ناقتى جاۋابىن بەرەيىك. بولاتىن نارسەنى بولادى، بولمايتىن نارسەنى بولمايدى دەيىك. وتىرىك ايتپايىق. سەرگەلدەڭگە سالماۋ كەرەك»، - دەدى وبلىس باسشىسى.

ق. كوشەربايەۆ ءوز سوزىندە اۋماقتىق ورگانداردىڭ وزدەرىن يەسىز سەزىنەتىندىگىن اتاپ ءوتتى.

«ءبىزدىڭ ءمينيسترىمىز استانادا، نەلىكتەن بىزدەردى اكىمدىك جازالايدى، دەيدى. مەن پرەزيدەنتتىڭ وكىلى رەتىندە بارلىعىڭا دا مىندەتتەيمىن. ءبىز سىزدەردىڭ جۇمىستارىڭىزدى باعالايتىن بولامىز جانە سىزدەرگە باعا بەرەمىز. قاجەت بولسا سايكەسىنشە مينيسترگە كادرلىق شەشىم قابىلداۋدى ۇسىنامىز. وسىنى ەستە ساقتاڭىزدار. اۋماقتىق ورگان وبلىستىڭ اۋماعىندا بولعاندىقتان پرەزيدەنتتىڭ وكىلەتتى وكىلى بار. مەن ءوز قۇقىعىمدى تولىعىمەن پايدالانامىن»، - دەدى ق. كوشەربايەۆ.

ق. كوشەربايەۆ «نۇر وتان» پارتياسىنىڭ وبلىستىق فيليالىنىڭ ءتوراعاسى، وبلىس اكىمى اۋماقتىق ۆەدومستۆو باسشىلىعىنا ساياسي سەنىمسىزدىك تانىتسا مينيستر ونى سول لاۋازىمدا قالدىرمايتىندىعىنا سەنىمدى ەكەندىگىن باسا ايتتى. «سىزدەر بۇل جايىندا كەيدە ويلاناسىزدار ما، جوق پا؟» - دەدى ءوڭىر باسشىسى.

«قۇرمەتتى مەملەكەتتىك قىزمەتشىلەر، بىزدەردىڭ حالىق قىزمەتشىسى ەكەندىگىمىزدى قاپەرلەرىڭىزگە تاعى ءبىر سالعىم كەلەدى. ال كەيدە ءبىز ءوزىمىزدى حالىقتىڭ قوجايىنى سەزىنىپ كەتەتىنىمىز بار. ءبىزدى جالداپ وتىر. وسىنى ەستەن شىعارماڭدار»، - دەپ تۇيىندەدى ءسوزىن ق. كوشەربايەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى