ۇلتتىق قۇندىلىقتاردى نىعايتۋداعى ايەلدەردىڭ ءرولىن ارتتىرۋعا ارنالعان سەمينار وتۋدە
سەميناردا گەندەرلىك ساياساتتىڭ نەگىزگى باعىتتارى جانە قازىرگى قوعامداعى ايەل مارتەبەسى، يسلامداعى ءدىنارالىق ديالوگتىڭ ءرولى جانە حانافي مازحابىنىڭ نەگىزگى ۇستانىمدارى جانە ءداستۇرلى رۋحاني قۇندىلىقتاردى جاڭعىرتۋ، رۋحاني-ونەگەلىك، وتانسۇيگىشتىك تاربيە بەرۋدەگى ايەل-انالاردىڭ ءرولى ءسوز بولۋدا. ەكى كۇنگە جالعاساتىن سەميناردا، سونداي-اق، ءدىن سالاسىنداعى وزەكتى ماسەلەلەر بولعان كيىم كيۋ، نەكە، مەديتسينالىق ماسەلەلەر تالقىعا ءتۇسىپ، ورتا ازيا مۇسىلمان ايەلدەرى II فورۋمىنىڭ دايىندىق جۇمىستارى پىسىقتالاتىن بولادى.
وسكەلەڭ ۇرپاققا رۋحاني- ونەگەلىك تاربيە بەرۋدەگى، ءداستۇرلى جانە وتباسىلىق قۇندىلىقتاردى نىعايتۋداعى ايەلدەر ءرولىن ارتتىرۋ، ءدىني ەكسترەميزم مەن تەرروريزمنىڭ الدىن الۋ باعىتىنداعى ايەلدەر قوعامدىق ۇيىمدارىنىڭ قىزمەتىن جانداندىرۋ ماقساتىندا ءوتىپ جاتقان باسقوسۋعا ق ر مادەنيەت جانە سپورت مينيسترلىگى ءدىن ىستەرى كوميتەتىنىڭ باسشىلىعى مەن قىزمەتكەرلەرى، ق ر پرەزيدەنتى جانىنداعى ايەلدەر ىستەرى جانە وتباسىلىق- دەموگرافيالىق ساياسات جونىندەگى ۇلتتىق كوميسسيانىڭ وكىلدەرى، قازاقستان مۇسىلماندارى ءدىني باسقارماسىنىڭ ماماندارى جانە ايەلدەر قوعامدىق ۇيىمدارىنىڭ جەتەكشىلەرى قاتىسۋدا.
BAQ.kz
