پەتروپاۆلدا اسكەري ينستيتۋتتا العاش رەت ايتىس ءوتتى - فوتو
«اسكەري وقۋ ورنىندا اسكەري قىزمەتشىلەردىڭ ايتىسىندا الەمدىك پروبلەمادان باستاپ ينستيتۋتىشىلىك ماسەلەلەرگە دەيىن وزەكتى تاقىرىپتار قوزعالدى. ولار قارسىلاسىنىڭ ارەكەتىنە قاراي سۋىرىپ سالما ايتىس ۇلگىسىن كورسەتتى»، - دەپ حابارلادى ج و و باسپا ءسوز قىزمەتىنەن.
اتالعان بايقاۋ ينستيتۋت تاريحىندا العاش رەت وتكىزىلۋدە. كورەرمەندەرگە - قولباسشىلىق، پروفەسسورلىق- وقىتۋشىلىق قۇرام، وفيتسەرلەر، اسكەري قىزمەتشىلەر، كۋرسانتتار مەن ساربازدارعا ايتىس قاتتى ۇنادى، ونى قولداۋ- قوشەمەتتەرىنەن- اق بىردەن بايقاۋعا بولدى.
ءادىلقازىلار شەشىمىمەن ءۇشىنشى ورىندى 2 - كۋرس كۋرسانتى مەيىرجان يساكوۆ، ەكىنشى ورىندى - ءۇشىنشى كۋرس ستۋدەنتى ەربول ءىزىم، ءبىرىنشى ورىندى 4 - كۋرس كۋرسانتى دوسجان توقتاروۆ يەلەندى. ولار باعالى سىيلىقتار الدى، ال قالعان قاتىسۋشىلار گراموتا يەلەندى. ءادىلقازىلار ءتوراعاسى مەن مۇشەلەرى العىس حاتتارمەن ماراپاتتالدى.
