ق ر قورعانىس ءمينيسترى قۇرلىق اسكەرلەرى اسكەري ينستيتۋتىنىڭ ۇزدىك وفيتسەر تۇلەكتەرىن ماراپاتتادى - فوتو
دەپ حابارلايدى ق ر ق م باسپا ءسوز قىزمەتى.
بۇل بوزبالالار ەكى جىل بۇرىن اسكەري ينستيتۋتتى ءتامامداپ، قازاقستاننىڭ قارۋلى كۇشتەرىندەگى اسكەري قىزمەتتە جوعارى ناتيجەلەرگە قول جەتكىزدى.
«جاقىن ارادا مەملەكەت باسشىسى قازاقستان حالقىنا جىل سايىنعى جولداۋىن جاريالادى. جولداۋدا «زاماناۋي جاھاندىق شىنايىلىقتىڭ ايتىپ كەلمەيتىن قاۋىپ- قاتەرىنە» نازار اۋدارىپ، الەمدەگى جانە ەلىمىزدىڭ توڭىرەگىندەگى قالىپتاسقان احۋالدىڭ بارلىق قاۋىپتىلىگىن اتاپ ءوتتى. بۇل جەردە باستى اڭگىمە قاۋىپسىزدىكتى قامتاماسىز ەتۋدە بولىپ وتىر. وسىناۋ قاۋىپسىزدىكتىڭ كەپىلى وتان قورعاۋشىلارعا تاربيە بەرىپ جۇرگەن كاسىبي وفيتسەرلەر مەن جاۋىنگەرلىك قابىلەتتى ارميا بولىپ سانالادى. ولار جاۋىنگەرلىك ازىرلىكتى نىعايتىپ قانا قويماي، جالپى قارۋلى كۇشتەردىڭ جوعارى رۋحى مەن ايبىندىلىعىن اسقاقتاتۋعا كۇش سالادى. بۇگىنگى شارانىڭ ءداستۇرلى سيپاتىنا قاراماستان، ءوزىنىڭ ءمان- ماعىناسى بويىنشا ەرەكشە ماڭىزعا يە. بۇل جاستاردىڭ كوشباسشىلىق قاسيەتتەرىن قولداۋعا باعىتتالعان ەلباسى باستامالارىنىڭ ناقتى جالعاسى»، - دەدى ق ر قورعانىس ءمينيسترى يمانعالي تاسماعامبەتوۆ.
ءوزىنىڭ كۇش- جىگەرىن اسكەري قىزمەتكە سارپ ەتكەن وفيتسەرلەر بۇگىندە قاجىرلى ەڭبەكتەرىمەن قازاقستاندىق ارميا قۇرلىق اسكەرلەرىنىڭ قورعانىس قابىلەتتىلىگىن نىعايتۋعا اتسالىسۋدا.
بۇگىن ق ر قورعانىس ۆەدومستۆوسى باسشىسىنىڭ قولىنان جاس وفيتسەرلەر گراموتالار، باعالى سىيلىقتار جانە «ۇزدىك مامان كوماندير» قاپسىرمالارىن الدى.
جاس وفيتسەرلەر جانە جاۋىنگەرلىك سايىستىڭ ۇزدىكتەرىمەن كەزدەسۋ جىل سايىنعى داستۇرگە اينالىپ، جاستاردى جانە ولاردىڭ كوشباسشىلىق قوزعالىسىن قولداۋ جونىندەگى ەلباسىنىڭ ساياساتىن ىسكە اسىرۋداعى ايتۋلى شارا بولىپ وتىر.
«ەكى جىل بۇرىن قۇرلىق اسكەرلەرىنىڭ اسكەري ينستيتۋتى قابىرعاسىندا وفيتسەرلەردىڭ كاسىبي بولاشاعىن عانا ەمەس، سونىمەن بىرگە ولاردىڭ كوماندالىق كوشباسشىلىق قاسيەتتەرىن ايقىندايتىن بىرەگەي تەتىك جۇزەگە اسىرىلعان بولاتىن. بۇگىن بايقاعانىمىزداي، اتالعان جوبانىڭ ناتيجەلەرى جۇيەنىڭ ءساتتى ورىندالعاندىعىن جانە ءوزىنىڭ باستاپقى ماقساتىن اقتاعاندىعىن كورسەتتى»، - دەپ اتاپ ءوتتى قر قورعانىس ءمينيسترى يمانعالي تاسماعامبەتوۆ.
جاس وفيتسەرلەر توبىنىڭ قىزمەتىن باعالاۋ قورىتىندىسى ولاردىڭ ەكى جىل ۋاقىت ىشىندە جوعارى جەتىستىكتەرگە جەتكەنىن كورسەتتى. ولاردىڭ 90 پايىزى جوعارى اسكەري لاۋازىمعا ۇسىنىلدى.
