يتاليادا قازاق ءتىلى مەن مادەنيەتىنىڭ ورتالىعى اشىلادى - فوتو
قوس وقۋ ورنىنىڭ باسشىلارى ەكى ەل اراسىندا ءبىلىم بەرۋ سالاسىنداعى ىنتىماقتاستىقتى كەڭەيتۋ ماسەلەلەرىن تالقىلادى.
اتالعان كەزدەسۋدى قازاقستانداعى يتاليانىڭ توتەنشە جانە وكىلەتتى ەلشىسى ستەفانو راۆانيان ۇيىمداستىردى.
«ءبىزدىڭ ۋنيۆەرسيتەتتە شىعىس حالىقتارىنىڭ مادەنيەتىن زەرتتەۋ كەڭىنەن دامىپ كەلەدى. ءبىز وسى باعىتتا جىبەك جولى جەلىسى ۋنيۆەرسيتەتتەرىمەن ىقپالداستىق ورناتقىمىز كەلەدى»، - دەدى كا فوسكاري ۋنيۆەرسيتەتىنىڭ پرورەكتورى تيتسيانا ليپپيەللو.
كەزدەسۋ بارىسىندا حالىقارالىق قاتىناستار فاكۋلتەتىنىڭ دەكانى كارىمجان شاكىروۆ ۋنيۆەرسيتەتتە 3 جىلدان بەرى يتاليادان كەلگەن وقىتۋشىلار يتاليان تىلىندە ساباق بەرىپ كەلە جاتقاندىعىن اتاپ ءوتتى.
ءبىراز اڭگىمەدەن سوڭ قوس وقۋ ورنىنىڭ باسشىلارى ۆەنەتسيا ۋنيۆەرسيتەتىندە قازاق ءتىلى مەن مادەنيەتى ورتالىعىن اشۋعا ۋاعدالاستى. ايتا كەتۋ كەرەك، مۇنداي جوبا قازۇۋ-ىندە بۇرىننان جۇزەگە اسىپ كەلەدى. قازىر يوردانيادا قازاق ءتىلىنىڭ ورتالىعى بار.
كا فوسكاري ۋنيۆەرسيتەتىندە كونفۋتسي مەن جاپون ورتالىعى بار ەكەن. سونداي-اق مۇندا الەمنىڭ 40 تارتا تىلىندە ساباق وتەدى.
اۆتور: گۇلميرا عوسمانالي
