ازەربايجان كاسپي ماڭى ەلدەرىنە مۇنايشىلاردىڭ دەنەسىن ىزدەستىرۋگە كومەك سۇرادى

بۇل تۋرالى جەكسەنبى كۇنى ازەربايجان مەملەكەتتىك مۇناي كومپانياسىنىڭ ۆيتسە- پرەزيدەنتى حاليگ مامەدوۆ باسپا ءسوز ءماسليحاتى كەزىندە مالىمدەدى، دەپ جازادى ت ا س س.

 «مەملەكەتتىك مۇناي كومپانياسى قازاقستان، تۇركىمەنستان، رەسەي مەن يران شەكارا قىزمەتىنە اپات سالدارىنان قازا تاپقان ادامداردىڭ دەنەسى ولاردىڭ ايماعىنا شىعىپ كەتكەن جاعدايدا قول ۇشىن سوزۋدى سۇرادى»، - دەدى ول. مامەدوۆتىڭ سوزىنە قاراعاندا، قاتتى اعىس پەن تولقىن ادامداردىڭ دەنەسىن باسقا جاققا اعىزىپ الىپ كەتۋى مۇمكىن.

كومپانيانىڭ ۆيتسە- پرەزيدەنتى سونىمەن بىرگە قازىرگى كەزدە 29 ادام ءىز- ءتۇسسىز جوعالعاندار قاتارىندا ەكەنىن ايتتى. ولاردى ىزدەۋگە مەملەكەتتىك شەكارا قىزمەتىنىڭ ءۇش تىكۇشاعى مەن ت ج م 4 تىكۇشاعى جىبەرىلدى. توتەنشە جاعدايلار ءمينيسترىنىڭ ورىنباسارى ەتيبار ميرزويەۆتىڭ ايتۋىنا قاراعاندا، ىزدەۋ- قۇتقارۋ جۇمىستارىنا 15 كەمە جۇمىلدارىلعان، ونىڭ ەكەۋى سۇڭگۋىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى