ايتىستى بيۋدجەتتىڭ قاراماعىنا الۋعا تاماشا جاعداي تۋىپ تۇر - ءجۇرسىن ەرمان

بۇل تۋرالى الماتىدا رەسپۋبليكا سارايىندا «تاۋەلسىزدىككە تاعزىم» اتتى تاقىرىپتا «التىن دومبىرا» رەسپۋبليكالىق اقىندار ايتىسى بارىسىندا «قازاقپارات» تىلشىسىنە قازاقستاننىڭ ەڭبەك سىڭىرگەن قايراتكەرى، م. ماقاتايەۆ اتىنداعى سىيلىقتىڭ ەكى مارتە يەگەرى، بەلگىلى اقىن، ايتىس ونەرىنىڭ جاناشىرى ءجۇرسىن ەرمان مالىمدەدى.

«وسىدان بىرنەشە كۇن بۇرىن ناميبيانىڭ ۆيندحۋك قالاسىندا وتكەن يۋنەسكو- نىڭ ماتەريالدىق ەمەس مادەني مۇرانى قورعاۋ جونىندەگى ۇكىمەتارالىق كوميتەتىنىڭ سەسسياسى بارىسىندا قازاقستان مەن قىرعىزستان بىرلەسىپ جولداعان «ايتىس - يمپروۆيزاتسيا ونەرى» اتتى اتالىمى ادامزاتتىڭ ماتەريالدىق ەمەس مادەني مۇراسىنىڭ كورنەكى تىزىمىنە ەنگىزىلگەنى بارشاعا بەلگىلى. ەندى، ايتىس حالىقارالىق زاڭدارمەن قورعالادى دەگەن ءسوز. بۇعان دەيىن ول كەيدە اشىلىپ، كەيدە جابىلىپ جۇرگەن بولسا، ەندى يۋنەسكو دەڭگەيىندە مەملەكەتتىڭ ءوزى قولداپ وتىرۋىنا مۇمكىندىك بەرىلدى. ايتىستى بيۋدجەتتىڭ قاراماعىنا الۋعا تاماشا جاعداي تۋىپ تۇر»، - دەدى ج. ەرمان.

ايتا كەتەلىك، كەشە ايتىستىڭ ءبىرىنشى تۋرىندا 22 اقىن 11 جۇپ بولىپ ايتىسقان بولاتىن. بۇگىن ەكىنشى سوڭعى تۋردا ءبىرىنشى تۋردىڭ جەڭىمپازدارى جۇپ بولىپ ايتىسىپ جاتىر.

 باس بايگەنى جەڭىپ العان اقىنعا التىن دومبىرامەن قوسا 3 ميلليون تەڭگە تابىس ەتىلەدى. ءبىرىنشى ورىن العان اقىنعا 2 ميلليون تەڭگە، ەكىنشى ورىن العان ەكى اقىنعا 1 ميلليون تەڭگەدەن بەرىلەدى. ال ءۇشىنشى ورىن العان ءۇش اقىنعا 500 مىڭ تەڭگەدەن تاپسىرىلادى.

باسقا دا قاتىسۋشىلارعا دا اكىمدىكتىڭ دايىنداپ وتىرعان سىي- سىياپاتى بار.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى