عالىمدار بولمە گۇلدەرىنىڭ ادامعا تيگىزەتىن اسەرىن زەرتتەدى
عالىمدار توبى «Journal of Environmental Psychology» قىزمەتكەرلەرىنىڭ قاتىسۋىمەن بولمە گۇلدەرىنىڭ ادامعا اسەرى تۋرالى تاجىريبە جۇرگىزگەن. زەرتتەۋگە 1000 نان استام ەرىكتى جاس مامان جۇمىلدىرىلعان.
ماماندار قاتىسۋشىلاردى ەكىگە ءبولىپ، ءبىرىنشى توپقا كەم دەگەندە 4 بولمە گۇلى بار جايلى كەڭسە بەرگەن. كەڭسەدەگى ءار بۇرىشقا ء بىر گۇلدەن قويىلعان. ال، كەلەسى توپقا ۇسىنىلعان جۇمىس ورنى تەك hi-tech ستيلىندە جابدىقتالعان، ءبىراق گۇل قويىلماعان.
قاتىسۋشىلارعا بەرىلگەن تاپسىرمالاردىڭ كوبىسى ەستە ساقتاۋ جانە ماتىندەگى بەلگىلى ءبىر سوزدەردى جاتتاۋمەن بايلانىستى بولعان.
تاجىريبەنىڭ ءبىرىنشى كەزەڭىندە بارلىق قاتىسۋشىعا بىردەي تاپسىرما بەرىلگەن. ءبىراق كەڭسەلەردە وسىمدىك بولماعان.
قاتىسۋشىلارعا ارنايى دايىندالعان ءماتىندى داۋىستاپ وقىپ، ءار سويلەمنىڭ سوڭىنداعى ءسوزدى جاتتاپ الىپ، قويىن داپتەرگە جازۋ تاپسىرىلعان.
ەكىنشى كەزەڭگە دەيىن زەرتتەۋشىلەر قويىن داپتەرلەردى جيناپ الىپ، ءبىرىنشى توپتىڭ كەڭسەسىنە گۇلدەر قويىپ شىققان. بۇل اينالىمدا قاتىسۋشىلارعا ماتىندەگى قاتەلەردى تاۋىپ، ولاردى تۇزەۋ جۇكتەلگەن.
ال، ءۇشىنشى كەزەڭدە دە ولار ءماتىن وقىپ، سوڭعى ءسوزىن جاتتاعان.
ءۇشىنشى كەزەڭنەن سوڭ بەلگىلى بولعانداي، بولمە گۇلدەرى قويىلعان كەڭسەدە جۇمىس ىستەگەن توپ سوڭعى تاپسىرمانى ءبىرىنشى تاپسىرماعا قاراعاندا 31 پايىزعا جاقسى ورىنداعان. سايكەسىنشە، hi-tech كەڭسەسىندە جۇمىس ىستەگەن ەكىنشى توپتىڭ جۇمىس ونىمدىلىگى ءبىرىنشى توپقا قاراعاندا 39 پايىزعا تومەن بولعان.
عالىمدار بۇل كورسەتكىشتى بىلاي تۇسىندىرەدى: ەگەر عيماراتتا ءتىرى وسىمدىكتەر بولسا، قىزمەتكەرلەردىڭ ەڭبەككە قابىلەتتىلىگى جوعارىلايدى. سونداي- اق، سترەسس دەڭگەيى تومەندەپ، جۇمىسقا زەيىنى ارتادى.
عالىمدار مۇنداي وزگەرىستى مي گۇلدەردى سىرتتاي باقىلاپ، «ساياباقتا وزىنشە كىشىگىرىم سەرۋەن جاساۋىمەن» بايلانىستىرادى.
بۇل - مي قىزمەتىنىڭ جاقسارىپ، جۇمىستىڭ جەمىستى بولۋىنا سەپتىگىن تيگىزەدى. وسى سەبەپتى امەريكالىق كومپانيالاردىڭ كەڭسەسىندە كەم دەگەندە 1 گۇلدەن بولادى، دەيدى.
«قازاقستان» تەلەارناسى
