قىتاي - افريكانىڭ ەڭ ماڭىزدى سەرىكتەسى
ەل پرەزيدەنتى دجەيكوب زۋمامەن پرەتوريادا وتكەن كەزدەسۋىندە اسپان استى ەلىنىڭ باسشىسى ەكى ەل اراسىنداعى سەرىكتەستىكتى دامىتۋعا دەن قويۋ قاجەتتىگىن جەتكىزدى دەپ حابارلايدى «رەيتەر» اگەنتتىگى. تاراپتار الداعى 5-10 جىلعا ارنالعان قۇنى 6,5 ميلليارد دوللارعا تەڭ 10 كەلىسىمگە قول قويدى.
قىتاي - افريكانىڭ ەڭ ماڭىزدى سەرىكتەسى بولىپ تابىلادى. لوندوننىڭ ينۆەستيتسيا زەرتتەۋ ورتالىعىنىڭ مالىمدەۋىنشە، ەكى ەل اراسىنداعى ساۋدا 2014 -جىلى 220 ميلليارد دوللارعا تەڭ بولسا، اسپان استى ەلىنىڭ افريكاعا قۇيعان قارجىسىنىڭ مولشەرى 32,4 ميلليارد دوللار بولعان. الايدا بيىل قىتايدىڭ ينۆەستيتسياسى 40 پايىزعا تومەندەگەنىن رەسمي بەيجىڭ مالىمدەگەن. ەندى وسى كەزدەسۋدىڭ ارقاسىندا قىتاي جانە افريكا اراسىندا ءوزارا ءتيىمدى سەرىكتەستىكتىڭ جاڭا ءداۋىرى باستالاتىنىنا ەكى ەل باسشىسى دا سەنىم بىلدىرۋدە.
