ءانشى ءمولدىر اۋەلبەكوۆا ۇزاتىلدى - فوتو
«كەشە سىرعا سالىنىپ، ۇزاتىلدىم. ەندى بۇگىن بەتاشار بولدى. بارشا ءدۇيىم حالىق بولىپ قۋانىشىما ورتاق ەكەندەرىڭىزدى بىلەمىن. تاماشا تىلەكتەرىڭىزگە، جىلى لەبىزدەرىڭىزگە، قۇتتىقتاۋلارىڭىزعا ۇلكەن العىس! جاقسى كورەمىن عوي سىزدەردى»، - دەپ جازعان ءانشى ءوز پاراقشاسىندا.
سونداي- اق ءانشى پاراقشاسىنا جاريالاعان سۋرەتتەرىنىڭ بىرىنە: «اسقار تاۋ اكەمنىڭ اق باتاسىن الىپ كەشە شاڭىراقتان ۇزاتىلدىم»، - دەپ جازعان.
ءانشى سۇحباتتارىنىڭ بىرىندە ءوزىنىڭ بولاشاق جارى جانە تويعا دايىندىعى تۋرالى ايتىپ بەرگەن بولاتىن.
«بولاشاق جارتىمنىڭ ەسىمى - ارىستان، ونى كوپتەن بەرى جاقسى تانيمىن، ونىڭ ونەرگە ەشقانداي قاتىسى جوق. دەگەنمەن دە ول مەنىڭ ونەرىمدى، تالانتىمدى باعالاي بىلەدى، ول ماعان «نە ىستەپ ءجۇرسىڭ؟ جۇمىس جاسايىق، بەينەبايان تۇسىرەيىك» دەپ ۇرىسىپ قويادى. توي وتكەننەن كەيىن مەن دە استانا قالاسىنىڭ تۇرعىنى بولامىن، ويتكەنى جولداسىم ەلوردادا تۇرادى، ونىڭ ۇستىنە وسى قالادا ەنەم بار. استانادا ۇشەۋىمىز تۇراتىن بولامىز. قىز جولداس - ءوزىمنىڭ جان قۇربىلارىمنىڭ ءبىرى - ساندي بەكسىرعا»، - دەگەن ەدى. ايتا كەتەيىك، ءمولدىردىڭ كوپتەن كۇتكەن قۋانىشتى تويى 12- جەلتوقسان كۇنى تاراز قالاسىندا وتەدى.
