الەمدەگى ەڭ العاشقى ۇشقىش مۇسىلمان ەكەنىن بىلەسىز بە؟
سوندىقتان وسمان يمپەرياسى زامانىندا ءومىر سۇرگەن ستامبۋلدىق حەزارفەن احمەت چەلەبي ەسىمدى مۇسىلمان شەبەرىنىڭ قۇراستىرمالى قاناتتارى ارقىلى بوسفور بۇعازىن ۇشىپ وتكەنىن جايلى ايتپاقپىز.
قىران قاناتتارىنا ۇقساستىرىلىپ جاسالعان ۇشۋ اپپاراتىنىڭ مۇلتىكسىز قىزمەت جاساۋى ءۇشىن حەزارفەن 8-9 -جىل ۋاقىتىن سارپ ەتكەن. ءساتسىز اياقتالعان سانداعان تاجىريبەلەردىڭ سوڭىندا ول بيىكتىگى 55 مەتر بولاتىن گالات سارايىنىڭ توبەسىنەن كوك جۇزىندەگى ساياحاتىن باستايدى. وسىلايشا، ەكى قۇرلىقتى ءبولىپ جاتقان بوسفور بۇعازىنىڭ ۇستىنەن ۇشىپ وتەدى.
ول ءوزىنىڭ «قاناتتارىمەن» 3,5 شاقىرىم ۇشىپ ءوتىپ، امان- ەسەن جەرگە قونعان. ونىڭ بۇل سامعاۋىن سارايدان تاماشالاعان مۋراد IV سۇلتان وعان التىن سالىنعان قالتا سىيعا تارتىپ، ماراپاتتاعان. الايدا، سارايداعىلاردىڭ باتىل جىگىتتى كوپ جاقتىرا قويماعانى ايتىلادى. اقىر سوڭىندا، ولار شەبەردىڭ ستامبۋلدان كەتۋىنە تۇرتكى بولادى.
الايدا، چەلەبيدىڭ ۇرپاقتارى اتاقتى شەبەردىڭ اتىن ەش وشىرمەگەن. قازىرگى كەزدە ستامبۋل شاھارىنىڭ باتىس بولىگىندە ونىڭ قۇرمەتىنە اۋەجاي دا سالىنعان. سونداي- اق، جانىندا ورنالاسقان مەشىتكە دە حەزارفەن احمەت چەلەبيدىڭ ەسىمى بەرىلگەن. ول جايلى «مەنىڭ قاناتىمنىڭ استىنداعى ستامبۋل» اتتى كوركەم فيلم دە تۇسىرىلگەن.
