ا ق ش- تىڭ باس كونسۋلى وڭتۇستىك قازاقستان وبلىسىندا ءجۇر
كەزدەسۋ بارىسىندا جوعارى مارتەبەلى قوناق وڭتۇستىك قازاقستان وبلىسى اكىمى ب. اتامقۇلوۆپەن كەزدەسىپ، ەكىجاقتى ىنتىماقتاستىقتى نىعايتۋ ماسەلەلەرىن تالقىلاپ، ولارعا ءبىزدىڭ ءوڭىردىڭ ينۆەستيتسيالىق مۇمكىندىكتەرى ۇسىنىلدى. جۇزدەسۋ كەزىندە و ق و- نىڭ مەديتسينا مەكەمەلەرىندەگى قىزمەتكەرلەردىڭ بىلىكتىلىگىن ارتتىرۋ ماسەلەسى دە قوزعالدى.
امەريكاندىق تاراپ وڭتۇستىك قازاقستاندىق دارىگەرلەردى ونكولوگيالىق، كارديولوگيالىق جانە نەۆرولوگيالىق اۋرۋلاردى، سونىمەن قاتار بالالاردىڭ مي سالدانۋى اۋرۋلارىن زاماناۋي ەمدەۋ تاسىلدەرىمەن تانىستىرۋ ماقساتىندا ا ق ش- تىڭ جەتەكشى ۋنيۆەرسيتەتتەرى مەن زەرتحانالارىندا تاجىريبەدەن وتكىزۋگە ىقپال ەتۋگە دايىن ەكەندىگىن حابارلادى. سونىمەن قاتار، ءوڭىر باسشىسى ءبىلىم بەرۋ سالاسىنا IT تەحنولوگيانى ەندىرىپ، ونى قالا مەن اۋىل مەكتەپتەرىندە قولجەتىمدى ەتۋ وبلىس باسشىلىعىنىڭ باستى ماقساتتارىنىڭ ءبىرى بولىپ تابىلاتىنىن اتاپ ءوتتى.
كەزدەسۋ ناتيجەسى بويىنشا م. مۋدي امەريكان دەلاگاتسياسىنىڭ اتىنان قوناقجاي وڭىرىمىزگە العىسىن ءبىلدىرىپ، و ق و- نىڭ ينۆەستيتسيا تارتۋ مۇمكىندىگىن باعالادى.
وبلىسقا ساپارى اياسىندا امەريكاندىق دەلەگاتسيا نازاربايەۆ زياتكەرلىك مەكتەبىندە «بىرىككەن ۇلتتار ۇيىمىنىڭ مودەلى» اتتى كونفەرەنسياعا قاتىسۋدى جوسپارلاۋدا، دەپ حابارلايدى و ق و اكىمىنىڭ باسپا ءسوز قىزمەتى.
