قايرات نۇرتاستىڭ «مەن عاشىقپىن.. .» اتتى جاڭا اندەر جيناعىنان «مازالا» بەينەباياننىڭ تۇساۋكەسەرى
بۇل تۋرالى «قازاقستان» ۇلتتىق تەلەارناسىنىڭ باسپا ءسوز قىزمەتى حابارلادى.
جاس ءانشىنىڭ ءاربىر جاڭا ءانى تىڭدارمانداردى تاڭ قالدىرماي قويمايدى. «مەن عاشىقپىن...» اتتى ۇزدىك 86 اننەن قۇرالعان 12-جيناعىنا ءانشىنىڭ كوپشىلىك ءسۇيىپ تىڭدايتىن اندەرىمەن قاتار جاڭا اندەرى دە كىردى. سونداي-اق، جاقىندا عانا تىڭدارماندارعا جول تارتقان، ءسوزىن ش. ساريەۆ، ءانىن د. شاريپوۆ جازعان «مازالا» اتتى انىنە تۇسىرىلگەن بەينەباياننىڭ دا تۇساۋى كەسىلەدى. ماسكەۋ قالاسىندا تۇسىرىلگەن بۇل بەينەباياننىڭ رەجيسسەرى - ا. گولۋبيەۆ.
ەلوردا تۇرعىندارى مەن قوناقتارى وزدەرىنىڭ سۇيىكتى انشىسىمەن كەزدەسىپ قانا قويماي، قولتاڭباسى قويىلعان ديسكتى قايراتتىڭ ءوز قولىنان الۋ مۇمكىندىگىنە يە بولادى. قايرات نۇرتاستىڭ جانكۇيەرلەرى ءبىرىنشى بولىپ ءانشىنىڭ ءوز اۋزىنان الداعى شىعارماشىلىق كەشى مەن جوسپارلارى تۋرالى ەستيتىن بولادى. ءىس-شارا «تۇنگى ستۋديادا نۇرلان قويانبايەۆ» باعدارلاماسىنىڭ فورماتىندا وتەدى. سونىمەن قاتار، ءىس- شارا بارىسىندا 200 جاڭا اندەر جيناعى مەن 1000 دانا قايرات نۇرتاستىڭ جۋرنالى تاراتىلادى.
قايرات نۇرتاس - وتە دارىندى، سونداي-اق اكتەرلىك شەبەرلىگىمەن ەرەكشەلەنە بىلگەن ونەر يەسى. بۇنىڭ بارلىعى ءانشىنىڭ قايتالانباس تۇلعاسىن قالىپتاستىرىپ، ونى وزگە انشىلەردەن ەرەكشەلەندىرىپ تۇرادى. قايراتتىڭ كونسەرتىنە كەلىپ، ونىمەن بەتپە-بەت كەزدەسىپ قانا قويماي، جاڭا اندەرىن تىڭداپ، دەمالۋعا شاقىرامىز.
ەسكە سالا كەتەيىك، وسى جىلدىڭ اۋقىمدى شاراسىنىڭ باستى ۇيىمداستىرۋشىلارى «قازاقستان» تەلەراديوكورپوراتسياسى جانە «Sapا Media group».
8 -جەلتوقسان كۇنى ساعات 17:00 دە «حان شاتىر» ساۋدا ورتالىعىندا ءانشىنى شىعارماشىلىعىنىڭ 10 جىلدىق مەرەيتويىمەن جەكە قۇتتىقتاۋ جانە ءارتىستىڭ قولتاڭباسىن الۋ مۇمكىندىگىن جىبەرىپ الماڭىزدار!
