قازاقستاندىق عالىم تۇركيانىڭ جوعارى عىلىمي ماراپاتىنا يە بولدى - فوتو

ولاردىڭ اراسىندا قازاقستان ازاماتى مارات احمەت تە بار، ول 1998 -جىلدان بەرى تۇركيادا عىلىمي قىزمەتپەن اينالىسادى، دەپ حابارلادى تۇركياداعى ق ر ەلشىلىگى.

م. احمەت - ماتەماتيكالىق تەوريالار جاڭاشىلى رەتىندە تۇركيادا جانە شەتەلدەردە تانىمال ءىرى عالىم، ماتەماتيكا عىلىمدارىنىڭ دوكتورى، پروفەسسور.

انكارادا TـBİTAK ماراپاتتارىن تاپسىرۋ تۇركيا پرەزيدەنتىنىڭ سارايى «اقسارايدا» ءوتتى. عىلىمي ناگرادانى ماتەماتيكا عىلىمدارىنىڭ پروفەسسورى م. احمەتكە تۇركيا پرەزيدەنتى رەجەپ تايىپ ەردوعاننىڭ ءوزى تاپسىردى.

«ءبىزدىڭ وتانداستارىمىزدىڭ قازاقستاندا عانا ەمەس، شەتەلدەردە دە وزدەرىنىڭ عىلىمي قىزمەتتەرىنىڭ جوعارى ناتيجەلەرىن كورسەتۋى ءسۇيىنىشتى. مۇنداي مىسالدار قازاقستاننىڭ عىلىمي الەۋەتى زور ەكەنىن كورسەتەدى»، - دەپ اتاپ ءوتتى تۇركياداعى قازاقستاننىڭ توتەنشە جانە وكىلەتتى ەلشىسى جانسەيىت تۇيمەبايەۆ.

م. احمەت - قازاقستاندا ماتەماتيكالىق ءبىلىم العان عالىم، تۇركياعا كەلگەننەن كەيىن دە ءوزىنىڭ عىلىمي قىزمەتىن جالعاستىرا وتىرىپ، جوعارى ناتيجەلەرگە قول جەتكىزدى.

عالىم تۇركيانىڭ عىلىمي- تەحنيكالىق زەرتتەۋلەر كەڭەسىنە تۇركيانىڭ جوعارعى عىلىمي ماراپاتىنا ۇسىنعانى ءۇشىن ريزاشىلىعىن ءبىلدىردى.

م. احمەت بۇل سىيلىققا ماتەماتيكاداعى عىلىمي اشىلىمدارى، اتاپ ايتقاندا ديففەرەنسيالدىق تەڭدەۋلەر تەورياسى ءۇشىن يە بولدى. م. احمەتتىڭ عىلىمي زەرتتەۋلەرى تۇركيادا عانا ەمەس، ءبىرقاتار ەۋروپالىق ەلدەردە پايدالانىلۋدا. ونىڭ ەڭبەكتەرى تۇركيادا، ەۋروپادا جانە ا ق ش- تا اعىلشىن تىلىندە باسىلىپ شىقتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى